Brytanski analityk miarkuje, što sutyknieńnie z Rasijaj nie abaviazkova maje pačacca ŭ krainach Bałtyi. Heta moža zdarycca i na addalenym teatry vajennych dziejańniaŭ.
Na dumku brytanskaha vajskovaha ekśpierta, napad Rasii na krainy NATA moža adbycca ŭžo praz dva hady. Pra heta zajaviŭ Ed Arnold z brytanskaha analityčnaha centra Royal United Services Institute (RUSI) u razmovie z ahienctvam DPA.
Z ulikam zapłanavanych maštabnych inviestycyj Hiermanii ŭ abaronnuju śfieru Arnold papiaredziŭ, što fiederalnamu ŭradu, uličvajučy pahrozu z boku Rasii, nie varta raściahvać hetyja inviestycyi na dziesiacihadovy pieryjad. Zamiest hetaha Bundeśvier pavinien spačatku zasiarodzicca na tym, kab jak maha chutčej značna pavialičyć zapasy pravieranych uzbrajeńniaŭ i bojeprypasaŭ — pieradusim artyleryjskich.
Siarod rekamiendavanych Arnoldam sistem — kryłataja rakieta Taurus, bajavy tank Leopard 2 A8 i braniravany transpartny aŭtamabil Boxer. Usie hetyja mašyny, jak adznačyŭ jon, vykarystoŭvajucca taksama inšymi jeŭrapiejskimi krainami. Bundeśvier moža «istotna pavialičyć» ich vytvorčaść, zabiaśpiečyć svaje padraździaleńni ciažkim uzbrajeńniem i padtrymać sajuźnikaŭ, zajaviŭ brytaniec.
Niamieckija sistemy supraćpavietranaj abarony, takija jak IRIS-T i źniaty z uzbrajeńnia bundeśvieram zienitny tank Gepard, pavodle ekśpierta, vyjavili siabie ŭ vajnie va Ukrainie jak «nadzvyčaj efiektyŭnyja». Jon raić naładzić ich masavuju vytvorčaść i ekspart taksama sajuźnikam.
Jeŭropie treba admovicca ad dumki, što technałahičnaja daskanałaść zbroi — abaviazkovaja ŭmova, zajaviŭ Arnold. «Vajna va Ukrainie pakazvaje, što nie zaŭsiody treba mieć najlepšaje. Treba prosta być krychu lepšym za praciŭnika», — adznačyŭ ekśpiert. Akramia taho, jon adznačyŭ, što było b nierazumna ŭkładać zanadta šmat hrošaj u techniku, jakuju ŭ vypadku realnaha kanfliktu možna hublać pa dziesiać adzinak štodnia.
Što da dronaŭ, dyk tut važna nie tolki nabyvać ułasnyja zapasy, ale i raźvivać vytvorčyja mahutnaści, kab paśpiavać za imklivymi cykłami raźvićcia. «Źmianieńnie charaktaru vajny aznačaje, što drony vykarystoŭvajucca ŭžo na samym bazavym uzroŭni», — skazaŭ jon. Jany, pavodle jaho słoŭ, paŭsiudna vykarystoŭvajucca na poli boju.
Vajna z Rasijaj moža pačacca ŭ krainach Bałtyi
Arnold zajaviŭ, što Hiermanija taksama pavinna zadacca pytańniem, ci varta joj i nadalej inviestavać u amierykanskija sistemy ŭzbrajeńnia z ulikam palityčnaha kursu Vašynhtona. Heta datyčyć pieradusim zakupki źniščalnikaŭ-nievidzimak F-35, a taksama sistemy supraćpavietranaj abarony Patriot. U siarednieterminovaj pierśpiektyvie ich mohuć zamianić jeŭrapiejskija sistemy.
Najbolš imaviernaje miesca ŭdaru Rasii — krainy Bałtyi, Suvałkaŭski kalidor, suchaputnaja varoty pamiž Polščaj i Litvoj. Ale Arnold miarkuje, što krainy NATA i Rasija mohuć sutyknucca i ŭ inšym rehijonie.
Ciapier čytajuć
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija1
175 tysiač biełarusaŭ emihravali ci vyjechali na pracu ŭ ES u 2024-m. Najbolš u Polšču, a Hiermaniju zdahnała Ispanija
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7979
Kamientary
Radi vospalennoho ordynskoho vialičija,kotoroje oni postojannno raskovyrivajut. Tam žie luboje jarosłavskoje bydło,živuŝieje v havnie,radujetsia ottoho,čto jeho orda možiet komu-to nahadiť.