Na litoŭska-biełaruskaj miažy zatrymali mužčynu na mašynie sa źmienienym VIN-numaram
Pry ŭjeździe ź Litvy ŭ Biełaruś praz punkt propusku «Kamienny Łoh» 20 krasavika z-za prablem z transpartnym srodkam zatrymali hramadzianina Biełarusi, paviedamlaje Dziaržaŭny pahraničny kamitet.
Pavodle infarmacyi viedamstva, pamiežny narad vyznačyŭ, što identyfikacyjny numar kuzava mikraaŭtobusa «Folksvahien», na jakim jechaŭ mužčyna, «maje prykmiety źmieny».
Apublikavanyja Dziaržpahrankamitetam fatahrafii śviedčać, što na mikraaŭtobusie byli rehistracyjnyja numarnyja znaki Kazachstana.
Kiroŭca paviedamiŭ, što «mašynu pierahaniaŭ praź miažu pa prośbie znajomaha i pavinien byŭ pakinuć jaje na parkoŭcy». Kamu naležyć transpart, mužčyna, jak jon śćviardžaje, nie viedaŭ, hetak ža sama nie zdahadvaŭsia jon i pra prablemy z VIN-numaram.
Ciapier mikraaŭtobus kanfiskavany pamiežnikami, u dačynieńni da kiroŭcy raspačataja pravierka.
Kamientary