Śviet44

Zavierbavany HRU afieryst. Što za litoviec rassyłaŭ u ES pasyłki, jakija zaharalisia

U Litvie ŭpieršyniu zatrymali hramadzianina krainy, jakoha aficyjna abvinavacili va ŭdziele ŭ apieracyi HRU na terytoryi ES.

Adpraŭleńnie niebiaśpiečnych pasyłak ź Vilni. Krynica: WSJ

Hramadzianin Litvy Alaksandras Šuranavas apynuŭsia ŭ fokusie ŭvahi mižnarodnaha rasśledavańnia — jaho padazrajuć va ŭdziele ŭ hibrydnaj apieracyi rasijskaj vajskovaj vyviedki (HRU) i ŭ saŭdziele ŭ finansavych schiemach, praź jakija inviestary va ŭsim śviecie stracili sotni miljonaŭ jeŭraŭ, piša «Vołna». 

Uletku 2024 hoda Šuranavas pad čužym imiem adpraviŭ čatyry pasyłki z zapalničymi pryładami praz DHL ź Vilni ŭ Hiermaniju, Polšču i Vialikabrytaniju. Adna ź ich zaharełasia prosta ŭ aeraporcie Lejpcyha, jašče dźvie — u łahistyčnych centrach pad Varšavaj i ŭ Birminhiemie. Čaćviortaja była pierachoplenaja polskaj słužbaj unutranaj biaśpieki.

Prakuratury Litvy i Polščy aficyjna zajaŭlajuć: ataka była arhanizavanaja HRU.

Pavodle źviestak Mižnarodnaj hrupy žurnalistaŭ-rasśledavalnikaŭ, raniej Šuranavas uznačalvaŭ polskuju kampaniju Recyclix — fiktyŭnaje pradpryjemstva, jakoje abiacała prybytak ad pierapracoŭki płastykavych adkidaŭ. Kampanija dziejničała jak finansavaja piramida, u jakuju ŭkłalisia dziasiatki tysiač inviestaraŭ. Z hetaj schiemaj źviazany hramadzianie Rasii, Łatvii i Ukrainy, jakija dziejničali pad vydumanymi imionami.

Ahulnaja škoda ad afiory aceńvajecca bolš čym u 39 młn jeŭra.

Paśla krachu Recyclix taja ž hrupa stajała za stvareńniem prajekta Juicy Fields — jašče adnoj piramidy, jakaja nibyta inviestuje ŭ vyroščvańnie miedycynskaj marychuany. Inviestary stracili bolš 645 młn jeŭra.

Šuranavas, pavodle rasśledavańnia, moh być padstaŭnoj asobaj, vykarystanaj arhanizatarami. Ale jon asabista padpisvaŭ dakumienty ad imia Recyclix, a paźniej — afarmlaŭ adpraŭku pasyłak z zapalnymi pryładami z DHL-adździaleńnia ŭ Vilni.

Videazapis z kamiery nazirańnia, apublikavanaja Wall Street Journal, paćviardžaje jaho prysutnaść na miescy adpraŭki.

Fihuranty abiedźviuch piramid, pavodle źviestak śledstva, byli źviazanyja z Rasijaj.

Adzin z klučavych udzielnikaŭ, były bajec PVK «Vahnier» Ihar Kiekšyn, ciapier supracoŭničaje sa śledstvam u Ispanii. Jašče adzin — IT-śpiecyjalist Vital Markievič — paśla pačatku vajny adkryŭ pad Pieciarburham zavod pa vytvorčaści dronaŭ.

Śledčyja i žurnalisty pakazvajuć: za abiedźviuma schiemami, chutčej za ŭsio, stajali rasijskija śpiecsłužby, jakija vykarystoŭvali hetyja schiemy i dla finansavańnia, i dla viarboŭki.

Alaksandras Šuranavas ciapier zatrymany ŭ Litvie. Jon — pieršy hramadzianin krainy, aficyjna abvinavačany va ŭdziele ŭ apieracyi HRU na terytoryi ES. Jaho sprava stała častkaj maštabnaha jeŭrapiejskaha rasśledavańnia, kaardynavanaha Hiermanijaj, Polščaj, Francyjaj i Jeŭrapołam. Pa ŭsioj Jeŭropie prajšli pieratrusy, kanfiskavana abstalavańnie, aryštavanyja dziasiatki padazravanych. 

Kamientary4

  • Sročno v nomier!
    24.04.2025
    Poskolku posyłki rassyłał hraždanin Litvy, kotoryj ranieje był zamiečien v afierach vmiestie s hraždanami Łatvii, Rośsii i Ukrainy, triebuju niemiedlenno užiestočiť sankcii v otnošienii hraždan Biełarusi proživajuŝich v Litvie!
    I jeśli vam pokažietsia moje priedłožienije nie łohičnym, to vy prosto nie ponimajetie łohiku litovskich vłastiej i śpiecsłužb.
    Potomu ždiem novych sankcij dla biełarusov!!!
  • Chaim
    24.04.2025
    Eto jeŝie raz pokazyvajet, čto dieło nie v nacionalnosti čiełovieka, a v jeho diełach.
  • Dieło v nacionalnosti
    24.04.2025
    Sumniajusia,što hety "litoviec" u stanie źviazać pa-litoŭsku choć paru słoŭ.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Usie naviny →
Usie naviny

Šrajbman: Ciapierašnija kanflikty ŭ apazicyi ŭžo mała kaho cikaviać14

Rabotniki MNS vyratavali na pažary sabaku i kata, a potym zrabili im štučnaje dychańnie

Vałancior «Viasny» Čapiuk raskazaŭ, jak jaho zatrymaŭ HUBAZiK adrazu na vychadzie z kałonii i jak dapytvali pra Mikołu Dziadka2

14-hadovaja Vika admoviła ŭ seksie — i heta stała pryčynaj panažoŭščyny, u jakoj zahinuli čaćviora padletkaŭ u Bajkalsku11

Na bietonnym zavodzie ŭ Homieli zahinuŭ kiroŭca cemientavoza

«Tydzień u Brazilii, dzie ciabie abrabujuć, abo dva tydni ŭ biaśpiečnaj Biełarusi». Pa što zamiežniki jeduć u našu krainu6

Ukraina atakavała technapark i zavod pa vytvorčaści bieśpiłotnikaŭ u Padmaskoŭi1

Biełaruś pieranosić vučeńni «Zachad-2025» z zachodnich miežaŭ uhłyb krainy18

U nazvach stancyj mietro na vychadach z padziemki źnikli niekatoryja litary1

bolš čytanych navin
bolš łajkanych navin

Praź dzieviać miesiacaŭ paśla vyzvaleńnia pamior palitviazień Valeryj Bohdan7

Praź dzieviać miesiacaŭ paśla vyzvaleńnia pamior palitviazień Valeryj Bohdan

Hałoŭnaje
Usie naviny →

Zaŭvaha:

 

 

 

 

Zakryć Paviedamić