Viarchoŭny sud Jeŭrasajuza pryniaŭ rašeńnie, što Malta pavinna spynić prahramu tak zvanych «załatych pašpartoŭ», jakaja dazvalaje inšaziemcam atrymać hramadzianstva krainy ŭ abmien na inviestycyi, paviedamlaje Reuters.
Schiema praduhledžvaje atrymańnie maltyjskaha pašparta za inviestycyju ŭ pamiery 1 miljona jeŭra, što daje prava svabodnaha pražyvańnia va ŭsich krainach Jeŭrasajuza.
Sud u abhruntavańni zaznačyŭ, što choć členskija dziaržavy ES sami vyznačajuć, jak i kamu davać hramadzianstva, ale takaja praktyka supiarečyć davieru pamiž krainami jeŭrasupolnaści i robić nabyćcio hramadzianstva «čysta kamiercyjnaj ździełkaj».
Členskaja kraina Jeŭrasajuza nie moža nadavać svajo hramadzianstva, a značyć, i hramadzianstva ES u abmien na finansavyja vyhody, havorycca ŭ rašeńni suda.
Viarchoŭny sud ES miarkuje, što prahrama vydačy «załatych pašpartoŭ» parušaje salidarnaść i davier pamiž dziaržavaj dy hramadzianinam, a taksama pamiž členskimi krainami Jeŭrasajuza.
Paśla napadu Rasii na Ukrainu Malta prypyniła prahramu «załatych pašpartoŭ» dla hramadzian Rasii i Biełarusi, ale praciahvała nadavać hramadzianstva pradstaŭnikam inšych nacyjanalnaściaŭ.
Raniej paviedamlałasia, što ŭładalnikami maltyjskich pašpartoŭ stali ŭ tym liku rasijskija čynoŭniki i biznesmieny, źviazanyja z kramloŭskim režymam.
U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki26
Kamientary