Amierykanski Forbes u kancy minułaha hoda skłaŭ top dadatkaŭ dla skanavańnia čekaŭ i nakładnych, jakija spraščajuć dla biznesu ŭlik vydatkaŭ supracoŭnikaŭ. Žurnalisty pratestavali vosiem takich dadatkaŭ i addali pieršaje miesca startapu Veryfi, jaki byŭ zasnavany biełarusam Dźmitryjem Birulom i aŭstralijcam Ernestam Siemierdaj, piša Devby.io.
Forbes asabliva adznačyŭ vysokuju dakładnaść API dla raspaznavańnia infarmacyi na dakumientach, jaki klijenty Veryfi mohuć ubudavać va ŭłasny soft abo dadatki. Jon vydatna sčytvaje, naprykład, doŭhija čeki, šmatstaronkavyja kvitancyi, invojsy, formy zakazaŭ i padatkovyja formy.
Akramia jakaści raspaznavańnia, prykładańnie chvalać za prastatu ŭ vykarystańni i techpadtrymku. Asobna zhadvajecca funkcyja aŭtamatyčnaha padziełu vydatkaŭ, zafiksavanych u adnym čeku. Heta karysna ŭ situacyjach, kali adzin ček utrymlivaje vydatki, što adnosiacca da roznych prajektaŭ, adździełaŭ abo supracoŭnikaŭ.
Taksama Veryfi sumiaščalny bolš čym ź dziasiatkam starońnich płatformaŭ, uklučajučy QuickBooks, Xero, Dropbox, Box, Slack, OneDrive, Google Drive i Evernote.
Siarod minusaŭ — dla intehracyi servisu treba mieć štatnaha ajcišnika. Taksama pieraškodaj dla nievialikich kampanij moža być cana — płata biarecca za ček, ale padpiska kaštuje ad $500 u miesiac. Niekatoryja karystalniki skardziacca na zboi ŭ pracy servisu, taksama nie staje mahčymaściaŭ dla kiravańnia padarožžami i biudžetavańniem.
Ciapier čytajuć
U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki24
Kamientary
spahaniać == vzyskivať
vzimať == źbirać, brać
*
"spahaniać" - heta kali hrošy zabirajuć PAMIŽ VOLI