Pamiatajecie paru studentki i vykładčyka, dzie jon starejšy na 31 hod? Akazvajecca, jon byŭ śviatarom, a jana vučyłasia na rehientku
Mužčyna zakachaŭsia ŭ maładuju dziaŭčynu, kinuŭ pracu śviatara i raźvioŭsia z žonkaj, kab być z Anfisaj.
Letaś Siarhiej i Anfisa Fiedaruk stali zorkami sacyjalnych sietak. Historyju kachańnia studentki i vykładčyka, jaki starejšy za dziaŭčynu na 31 hod, abmiarkoŭvaŭ šmat chto.
Tady jany raskazvali, što paznajomilisia ŭ niejkim minskim kaledžy, dzie Anfisa vučyłasia na dyryžorku.
U chutkim časie paśla pieršaha pacałunku Siarhiej zrazumieŭ, što rana ci pozna pra raman stanie viadoma, a jaho praca vykładčykam budzie skončana. Tamu praz paŭhoda zvolniŭsia sam. Anfisa pierajšła na zavočnaje adździaleńnie, ale dypłom atrymać tak i nie zmahła. Jana kazała, što piedahahičny kalektyŭ nie byŭ hatovy pryniać usiu hetuju situacyju, tamu joj pryjšłosia kinuć vučobu.
Niadaŭna Anfisa vyrašyła raskazać pra ich historyju kachańnia bolš padrabiazna.
Akazałasia, Siarhiej šmat hadoŭ byŭ pravasłaŭnym śviatarom, a Anfisa vučyłasia ŭ duchoŭnym vučyliščy: pieršyja dva hady na pieŭčaha, a potym jašče amal try na rehienta (kiraŭnicu carkoŭnaha choru).
Dziaŭčyna kaža, što byvała ŭ carkvie z malenstva, ź siami hadoŭ pačała trymać post. Tamu nie dziŭna, što chacieła źviazać svaju budučyniu z carkvoj i pastupić u duchoŭnaje vučylišča na rehienta.
— Ja maryła tudy pastupić z 15 hadoŭ. Amal kožny dzień chadziła na słužby, hladzieła na chor, słuchała śpievy, padpiavała ŭbaku i zachaplałasia. Pastupać na dzionnaje adździaleńnie na rehienta možna było tolki paśla 11 kłasa. Mnie pastavili ŭmovu, što paśla 9 kłasa mianie prymuć na viačerniaje adździaleńnie na pieŭčaha, a adnačasova ja budu zakančvać 10—11 kłas u škole. A paśla 11 kłasa pieraviadusia na dzionnaje adździaleńnie na rehienta.
Tak i adbyłosia. Ale ž u žyćci ŭsio akazałasia składana: vychodny ŭ Anfisy byŭ tolki adzin — paniadziełak. U inšyja budni pa piać par plus indyvidualnyja zaniatki. U subotu i niadzielu praktyka ŭ carkvie. Dziaŭčyna skardzicca, što času na žyćcio ŭ jaje zusim nie zastavałasia. Praz heta joj pryjšłosia kinuć svoj błoh na YouTube, jaki Anfisa viała z 10 hadoŭ. Tam było bolš za 56 tysiač padpisčykaŭ.
Plus da taho dla studentaŭ duchoŭnaha vučylišča isnavała šmat zabaron, jakija Anfisie było składana pryniać. Naprykład, patrabavali stvarać nabožny vobraz u sacyjalnych sietkach. A maładoj dziaŭčynie chaciełasia vykładać fotazdymki ŭ mini-spadnicach i kupalnikach.
Anfisa za dva hady nabrała 30 kiłahramaŭ, pierastała cikavicca tym, jak vyhladaje, a dumała tolki pra vučobu. U asabistym žyćci dziaŭčyny kipieli žarści.
U 15 hadoŭ, pa jaje słovach, da jaje zalacaŭsia dyjakan, jaki chacieŭ ramantyčnych adnosin ź niepaŭnaletniaj. Atrymaŭšy admovu, jon pačaŭ raspuskać plotki, byccam dziaŭčyna sama sprabavała jaho spakusić.
— U 18 hadoŭ ledź nie vyjšła zamuž pa błasłaŭleńni za ŭcarkoŭlenaha maładoha abjuziera, jaki zrabiŭ mnie prapanovu ŭ carkvie! Baciuška kazaŭ, što jon moj los. Ale Hospad viedaje bolš, čym luby baciuška.
Dziaŭčyna raskazvaje, što toj samy chłopiec (jon byŭ dziačkom) padymaŭ na jaje ruku i kidaŭsia na jaje z nažom, paśla čaho Anfisa źviarnułasia ŭ milicyju. Jana taksama kaža, što paśla dziačok niejki čas pieraśledavaŭ jaje i pahražaŭ.
Siarhiej ža bolš za 30 hadoŭ byŭ śviatarom. U sacsietkach Anfisa raspaviadaje, što zarablaŭ jaje abrańnik kala 200 dalaraŭ, tamu ŭvieś čas byŭ vymušany padpracoŭvać — vykładčykam, kucharam, taksistam ci hruzčykam.
U mužčyny na momant pačatku ramanu sa studentkaj była siamja: žonka i dzieci (užo ŭsie darosłyja). Anfisa tłumačyć: dla Siarhieja było niemahčymym raźvieścisia ź pieršaj žonkaj, ažanicca druhi raz i paśla ŭsiaho hetaha zastacca śviatarom. Tamu treba było abrać adzin z troch varyjantaŭ: rasstacca z Anfisaj, chavać raman, kab zachavać san, ci raźvieścisia i pakinuć carkvu.
Dziaŭčyna śćviardžaje, što joj samoj na piedahahičnaj radzie raili «być razumniejšaj» i nie afišavać adnosin z kachanym, kab i jon zastaŭsia śviatarom, i jana atrymała dypłom.
Baćki Anfisy, darečy, dobra pryniali jaje abrańnika — choć jon navat starejšy za tatu dziaŭčyny. Letaś para aficyjna pabrałasia šlubam, a pracavać maładyja vyrašyli błohierami. Ich błohi ŭ roznych sacyjalnych sietkach sapraŭdy aktyŭna rastuć.
U instahramie na dva ich akaŭnty padpisana ahułam 50 tysiač čałaviek. U tyktoku jany majuć bolš za 72 tysiačy padpisčykaŭ i jašče kala 9 tysiač padpisčykaŭ u telehramie.
Sioleta para vyjechała ź Biełarusi — dziaŭčyna śćviardžaje, što nazaŭsiody. Matyvacyja prostaja: vyrašyli, što videa možna zdymać u luboj krainie, a trymacca za Minsk asablivaha sensu niama. Ale z kančatkovym miescam dla žyćcia nie vyznačylisia. Siarhiej i Anfisa chočuć pažyć u roznych krainach i haradach, kab zrazumieć, dzie lepš za ŭsio siabie adčuvajuć. Ciapier, naprykład, jany vandrujuć pa Izraili.
23-hadovaja biełaruska vyžyła ŭ žudasnym DTZ, ale ciapier nie moža chadzić. Jaje historyja dakazvaje, što kachańnie isnuje
Natalla Cylinskaja: Zamužam ja była čatyry razy. My stvorany, kab nas nasili na rukach, kali krychu bujniejšaja — paklič siabra
Dačka deputata z Ašmian trapiła na dziaržsłužbu. Dla hetaha jana kinuła nieŭjaznoha chłopca
Čamu my ŭlublajemsia? Navukoŭcy abviarhajuć stereatypy
Ciapier čytajuć
U Polščy aryštavali byłoha kiraŭnika biełaruskaha «Paspalitaha rušeńnia» — pahražaje 10 hod za narkotyki23
Kamientary
Marazm eti ludi prodvihajut nie tradicionnyje ciennosti ,a hietierosieksualnyj sieks.
Odin žienu v škłovie ostavił i ot lubovnic płodit dietiej. Druhoj jeho druh vova,brosił žienu ušieł k mołodoj,mołodoj ispołniłoś 30 brosił i jeje i našieł jeŝie mołožie.... I eto i jesť kriepkaja tradicionnaja sieḿja....
Ujti v ksiendzy, zaviesti žienu i dietiej, zaniaťsia biźniesom s riežimom Łukašienko.