U Łatvii admovilisia prybrać biełaruskija i rasijskija harady z darožnych pakazalnikaŭ
Prybrać biełaruskija i rasijskija harady z darožnych pakazalnikaŭ u Łatvii patrabavali niekatoryja aktyvisty nie pieršy hod. Ale čynoŭniki suprać.
Zamiena darožnych znakaŭ z nazvami haradoŭ Biełarusi i Rasii ŭ ciapierašni čas nie źjaŭlajecca pryjarytetnym pytańniem, paviedamili LETA pradstaŭniki Ministerstva transpartu Łatvii.
Ministerstva padličyła, što košt zamieny znakaŭ z padatkam na dabaŭlenuju vartaść moža skłaści kala 400 000 jeŭra. Čynoŭniki rašyli, što važniej inviestavać hrošy va ŭtrymańnie i budaŭnictva daroh miascovaha značeńnia.
U ministerstvie adznačyli, što na darohach Łatvii ahułam 235 pakazalnikaŭ sa zhadkaj haradoŭ Biełarusi i Rasii. Čynoŭniki adznačyli, što ŭ adpaviednaści z narmatyŭnymi patrabavańniami na darožnych znakach pavinny być pakazany nie tolki harady na terytoryi Łatvii, ale i zamiežnyja stalicy abo centralnyja harady zamiežža, jakija ŭvachodziać u maršrut.
Kamientary