U horadzie Hajnaŭka kandydat ad Hramadzianskaj płatformy atrymaŭ 59,5% hałasoŭ, pieramoh jon taksama ŭ Haradku i Supraśli.
Viaskovyja rajony Padlašša, zasielenyja biełarusami, stali adzinymi va Uschodniaj Polščy, dzie pieramoh kandydat ad uradavaj kaalicyi. U cełym u krainie za Rafała Tšaskoŭskaha hałasavali vialikija harady, a za Karala Naŭrockaha — vioska i małyja harady. Biełaruskaja zona stała vyniatkam.
U horadzie Hajnaŭka kandydat ad Hramadzianskaj płatformy atrymaŭ 59,5% hałasoŭ. U Čyžach — 60,6%. U Orli — 57,8%, u Haradku — 60,9%, u Supraśli — 52,8%.
Vajavodski centr Biełastok daŭ Tšaskoŭskamu 51% hałasoŭ.
Treba adznačyć, što papularnaść Tšaskoŭskaha na Padlaššy źniziłasia proci vynikaŭ druhoha tura 2020 hoda. Hetym Padlašša roźnicca ad krainy ŭ cełym, dzie papularnaść kandydata-libierała zastałasia niaźmiennaj: 48,9% u 2020-m, 49,1% u 2025-m. U toj ža čas u Biełastoku Tšaskoŭski nabraŭ na 1,2% mienš, u Haradku — na 4,9% mienš, u Hajnaŭcy i Supraśli — na 3,8% mienš.
Čytajcie taksama: U biełarusaŭ Polščy byli pryčyny nie hałasavać za Tšaskoŭskaha
Karal Naŭrocki ŭčora zajaviŭ, što abjadnaje patryjatyčny łahier u Polščy, łahier ludziej, «jakija chočuć narmalnuju Polšču bieź nielehalnych mihrantaŭ».
U palityčnym sensie jaho pieramoha aznačaje, što ŭ Polščy zachavajecca status-kvo: suisnavańnie prezidenta-kansiervatara i ŭrada, utvoranaha libieralnymi i levymi partyjami.
Naŭrocki — praciŭnik zaprašeńnia Ukrainy ŭ NATA i vystupaje suprać jaje paskoranaha ŭstupleńnia ŭ ES.
Jon taksama suprać pahłybleńnia jeŭrapiejskaj intehracyi i za ŭmacavańnie katalickich padmurkaŭ polskaj tojesnaści.
-
U niamieckim Kiolnie evakuirujuć 20 tysiač čałaviek. Pryčyna — bomby časoŭ Druhoj suśvietnaj vajny
-
Kampanija-vydaviec «Śvietu tankaŭ» publikuje infarmacyju ab svajoj padtrymcy Uzbrojenych sił Rasii
-
Litoŭski deputat: Niama nijakich prykmiet taho, što Rasija ci Biełaruś mohuć napaści na krainy NATA ŭ 2025-m
Ciapier čytajuć
«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7
Kamientary
A kali dakładna, to 51% umoŭnych biełarusaŭ Biełastoku prahałasavali za mera, astatnija 49% za Naŭrockaha.