Hładkaja nazvała Bondaravu i Mirsalimavu čarviami. Azaronak i Łukjanaŭ patrabujuć likvidacyi
Łukašenkaŭskija kanały siońnia jak adzin abrynulisia na «peŭnuju kolkaść prajdziśvietaŭ i ašukancaŭ, jakija šmat hadoŭ vodziać za nos Pasolstva [Rasii] i Rassupracoŭnictva».
Kanał «Ludažory» nazyvaje ich «nievialikaj hrupkaj bažavolnych».
Kanał «Eto druhoje» piša pra «sietkavych aktyvistaŭ, što chavajucca pad maskaj «prarasijskich». Jon adznačaje:
«Aktyvisty ŭžo atrymlivali papiaredžańni ad siłavikoŭ. Viciebskaja aktyvistka Mirsalimava adsiedzieła niekalki sutak, a hrodzienskaja ekstremistka Bondarava atrymała 13 sutak. Adnak uroki nie byli zasvojenyja, i, naadvarot, jany jašče bolš intensiŭna stali raschistvać hramadstva Sajuznaj dziaržavy.
Padkreślivaju: spakoj i biaśpieka, uzajemaadnosiny hramadzian Sajuznaj dziaržavy pad pahrozaj, i situacyja horšaje z kožnym dniom».
Prapahandystka Ludmiła Hładkaja napisała:
«Ja liču, što kali čałaviek siabie ŭžo dyskredytavaŭ, to treba da jaho ŭžyvać, skažam, adpaviednuju mieru. U nas jaje niama, ale ja spadziajusia, što kali-niebudź jana źjavicca. Jak na mianie, to vielmi dziejsny miechanizm — prosta zabaranić čałavieku, jaki skampramietavaŭ siabie, lubuju publičnuju dziejnaść. Kab nie vyploŭvaŭ usiu hetuju łuchtu, niepaćvierdžanuju, u sieciva i nie turbavaŭ narodu».
Jana nazyvaje hetych novych vorahaŭ «čarviami».
Kanstancin Prydybajła, žurnalist Russia Today, jaki maje asabisty kanflikt z Volhaj Bondaravaj (jana nadumana abvinavačvała jaho ŭ homaseksualnych schilnaściach), piša:
«Rastłumaču prosta: u Biełarusi jość peŭnaja kolkaść prajdziśvietaŭ i ašukancaŭ, jakija šmat hadoŭ viaduć za nos našaje Pasolstva i Rassupracoŭnictva».
I dalej zaklikaje: «I pa rukach bić, i sadžać taksama možna asabliva bujanych».
Ryhor Azaronak pierapościŭ post pra «likbiez (likvidacyju biazhramatnych vorahaŭ naroda ad Alaksandra Siarhiejeviča Łukjanava)».
Amal usie prapahandysckija kanały nie nazyvajuć proźviščaŭ naŭprost, pakidajučy intryhu. Ale Volha Bondarava adrazu adnaznačna ŭspryniała hetyja napady na svoj rachunak.
U adkaz jana napisała: «Vielmi zasmučajucca nacyjanalistyčnyja koły Biełarusi z-za taho, što nie mohuć kantralavać «nižnija słai telehrama», i nieadfiltravanaja infarmacyja pra padziei ŭ krainie imhnienna stanovicca viadomaj va ŭsioj Sajuznaj dziaržavie».
Alaksandr Łukašenka 2 maja znoŭ źviarnuŭsia da temy hieorhijeŭskich stužak — druhi raz za čatyry dni. Heta adbyłosia pad telekamiery, u samym pačatku sustrečy z hubiernataram Astrachanskaj vobłaści Rasii Iharam Babuškinym. Na joj prysutničaŭ i pasoł Rasii Barys Hryzłoŭ.
Raniej Alaksandr Łukašenka vykazvaŭsia pa hetym pytańni ŭ Vałhahradzie na pieramovach z Uładzimiram Pucinym 29 krasavika.
«Takaja ŭvaha źviazana z sproby ŭ peŭnych kołach štučna raskrucić hetaje pytańnie i zrabić punktam zvady ŭ biełaruska-rasijskich adnosinach. Bačačy hetuju tendencyju, Alaksandr Łukašenka prama i adkryta adreahavaŭ, kab spynić mahčymyja insinuacyi», — adznačaje biełaruskaje dziaržaŭnaje ahienctva BiełTA.
«Nu my vam adkazali z Uładzimiram Uładzimiravičam nakont stužak. Što mianie zdziviła, jon kaža: «Słuchaj, raskažy mnie, u čym štuka». Ja kažu: «Ja dumaŭ heta, ad ciabie ŭsio idzie». — Nie, ja ŭpieršyniu čuju. — Nu kažu, tady, napeŭna, ad našaha supolnaha siabra. — Ad kaho? — Ja kažu: «Nu jak, ad Barysa Viačasłavaviča (pasła Rasii Barysa Hryzłova. — NN)». Zaśmiajaŭsia (Pucin. — NN), kaža: «Nie, nie moža być». Jon kaža: «Adkul?». Ja kažu: «Ty pahladzi, moža, ad «Rassupracoŭnictva» (rasijskaje ahienctva, jakoje padtrymlivaje struktury ŭpłyvu ŭ śviecie, i adnačasova špijonskaje hniazdo — NN). Ja nie śćviardžaju», — raspavioŭ Alaksandr Łukašenka padrabiaznaści razmovy z Uładzimiram Pucinym.
«Chočacie sa stužkami, ja i jamu skazaŭ — kali łaska, chočacie z našymi stužkami (jabłynievym ćvietam — NN) — kali łaska. Chto jak choča. My ž svaje ludzi. My ž nie nosim svastyki, jak va Ukrainie (fejk i raspalvańnie varožaści — va Ukrainie taksama nie nosiać svastyk — NN). Vy prapanavali nam. U hetym płanie my vyznačylisia. Dumaju, svajo pavinna być jakoje-niebudź adroźnieńnie», — skazaŭ Alaksandr Łukašenka.
Stužki — praktyčna apošniaje, što adroźnivaje rusifikavanuju publičnuju prastoru Biełarusi ad rasijskaj.
Pieršy raz z-za hieorhijeŭskich stužak Alaksandr Łukašenka raptam pačaŭ apraŭdvacca na sustrečy z Uładzimiram Pucinym u Vałhahradzie.
«Nichto nie zabaraniaje ni ŭ jakim razie hieorhijeŭskija stužački», — pasprabavaŭ pierakanać surazmoŭcu Łukašenka.
Pry hetym jon prapanavaŭ Pucinu vyvučyć historyju hieorhijeŭskaj stužački i nazvaŭ jaje svojeasablivaj. Ale dadaŭ, što nie maje ničoha suprać.
Vykazaŭsia Łukašenka pra šeście «Nieśmiarotny połk», na jakoje biełaruskija čynoŭniki zvyčajna nie dajuć dazvołu. Jon rastłumačyŭ, što zamiest hetaj akcyi prachodzić anałahičnaja pad nazvaj «Biełaruś pamiataje», na jakuju ludzi chodziać jak z čyrvona-zialonymi stužačkami, tak i z hieorhijeŭskimi.
Łukašenka paraiŭ Pucinu nie źviartać uvahi na asobnyja niehatyŭnyja vykazvańni nakont hetaha.
«U nas ideja absalutna adnolkavaja. Adna Ajčyna ad Bresta da Uładzivastoka», — paŭtaryŭ svoj zajezdžany tezis Łukašenka.
Na samaj spravie ŭ Biełarusi zamiest hieorhijeŭskaj stužački ŭžo daŭno prydumali čyrvona-zialonyja butańjerki ź jabłynievym ćvietam. Ideołahi vyrašyli dystancyjavacca ad hieorhijeŭskaj stužački paśla 2014 hoda, kali jana stała tryvała asacyjavacca z ruskim śvietam i zachopam Danbasa.
Z tych časoŭ prarasijskija aktyvisty sistematyčna krytykujuć čynoŭnikaŭ za niehałosnuju zabaronu na hieorhijeŭskija stužački. Vidać, infarmacyja ciapier dajšła i da Kramla — Łukašenku daviałosia apraŭdvacca.
Masavaja razdača hieorhijeŭskich stužak u Rasii pačałasia ŭ 2005-m. Takim čynam pucinski režym sprabavaŭ stvaryć novy ŭniviersalny simvał, prymalny dla narodaŭ byłoha SSSR, zamiest dyskredytavanaha savieckaha ściaha. Paśla hieorhijeŭskuju stužku vykarystoŭvali padčas zachopu ŭkrainskich ziamiel u 2014 i 2022 hadach.
U rehijonach Biełarusi pad maŭčańnie ideołahaŭ masava razdajuć hieorhijeŭskija stužki «Ruskija damy».
U Vałhahradzie ŭvahu žurnalistaŭ źviarnuŭ taksama epizod razdačy kałaradskich stužak biełaruskim top-čynoŭnikam. Marzaluk zastaŭsia ź jabłynievaj.
Ciapier čytajuć
Novym śpikieram Kaardynacyjnaj rady, chutčej za ŭsio, stanie Arciom Bruchan6
Kamientary
Usie prykarytnyja adčuvajuć vodar padali, jaki ŭžo daŭno sychodzić ad vusataha, jon užo pakojnik. Čym bližej pieramirje kacapaŭ i Ukraincaŭ, tym bližej kaniec panavańnia siniepalcaha.
Prykarytnyja hatovyja ŭžo lizać boty rasiejcam, tolki, tubylcy, nie viedajuć kali heta adkryta i nieprychavana pačać rabić. Bo zarobak jašče atrymlivajuć ad dzieda, a nie z kramloŭskich cieramaŭ 😂😂😂
bondarycha i jejnyja adnadumcy, viadoma, bližej za azaronkaŭcaŭ da rasiejskich zarpłataŭ, tamu i skubuć tematyku z kałaradskimi stužkami na maksimalnych abarotach 💰💰💰
Idu pa papkorn, užo chutka pačniecca novy sieryjał, z aneksijaj Biełarusi kacapami. Heta akurat toj płan B, jaki trymaŭ u rukavie pinžaka pujło. Biez dałučeńnia Biełarusi da kacapii, nie adbudziecca paŭnavartasnaha arhazmu ŭ pucina i rasiejcaŭ u suviazi z uźjadnańniem iskonna riuźkich ziemlaŭ 😄😄😄
Usio heta, tolki pytańnie času. Vusaty tamu i dryhajecca ŭ kanvulsijach, bo ŭžo nie viedaje, za što jamu jašče apraŭdvacca, kab pakazać svaju biezchrybietnaść i poŭnuju zaležnaść ad pujła.
vusaty robak zrabiŭ adnuju vialikuju pamyłku, dapuściŭšy ŭ sistemu rasiejskich ahientaŭ, uvieś siłavy błok pačynajučy ad unutranych vojskaŭ i zakančvajučy KDB, naskroź rasiejski i całkam padkantrolny pujłu. U vypadku lubych varušeńniaŭ hramadzianskich asobaŭ, jakija vystupiać viadoma suprać aneksii Biełarusi, likvidujuć fizična. Źmiena ŭłady ŭ Biełarusi zojmie maksimum 48 hadzinaŭ. Siniepalcy ŭ lepšym vypadku ŭciače da arabaŭ, u horšym jaho z usioj siamiejkaj puściać u raschod jahonyja ž ciapierašnija abaroncy z mvd, kdb, rady biaśpieki i h.d.
👀 🍿 📺