55-hadovy Aleh Krupski pravioŭ u statusie rasijskaha najomnika roŭna miesiac.
U śpisie biełarusaŭ, jakija pajšli vajavać za Rasiju i zahinuli va Ukrainie, jość Aleh Krupski. Što heta za čałaviek?
Pa infarmacyi BelPol, Aleh Stanisłavavič Krupski naradziŭsia ŭ vioscy Ściapianka (jana paźniej stanie častkaj Minska) u 1969 hodzie.
Mužčyna paśpieŭ papracavać u HUMie, a taksama ŭ Śpiecyjalizavanaj miechanizavanaj kałonie — 81, jakaja zajmajecca dobraŭparadkavańniem terytoryj.
Krupski mieŭ za plačyma sudzimaść: u śniežni 2016 hodzie jaho asudzili pa artykule 364 Kryminalnaha kodeksu za hvałt (ci pahrozu hvałtu) u dačynieńni milicyjaniera. Atrymaŭ jon davoli libieralnaje pakarańnie — hod chatniaj chimii.
Adnak adbyć jaho Krupski nie zdoleŭ, sarvaŭsia. U žniŭni 2017 hoda jaho sudzili za toje, što nachapaŭ parušeńniaŭ. Pa ciapierašnim zakanadaŭstvie ŭ takoj situacyi jamu prosta padzialili b nieadbyty termin u dva razy i adpravili dasiedžvać u kałoniju paru miesiacaŭ. Ale tady zakon byŭ inšy. Pa im minčuku dali 1 hod i 2 miesiacy kałonii — bolš, čym było spačatku. Chutčej za ŭsio, daviałosia adbyć novy pryznačany termin całkam.
Dzie Krupski byŭ z 2018 da 2024, nieviadoma. Imavierna, što adpraviŭsia ŭ Rasiju.
23 červienia 2024 jon zrabiŭ adnu z apošnich pamyłak u žyćci — padpisaŭ vajskovy kantrakt z rasijskaj armijaj. Roŭna praź miesiac Aleh Krupski byŭ zabity.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci33
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci3
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary