KDB aryštavaŭ padazronaha aktyvista Paŭła Bialucina. U jakoj krainie heta adbyłosia, nieviadoma
Pavieł Bialucin byŭ aktyvistam «Narodnaj hramady» i stukačom — u kancy 2010-ch jon pisaŭ u KDB danos na Mikołu Aŭtuchoviča.
U kadrach z aeraporta Bialucina vyvodziać z samalota i pieradajuć dvum mužčynam z paviazkami «KDB» na rukavach, a zatym sadžajuć u mašynu.
Pavodle śćviardžeńnia prapahandystaŭ, Bialucin nibyta ŭvachodziŭ u Vilenskuju charuhvu i «treniravaŭsia pa vajenizavanym uzory», a ŭ 2020 hodzie nibyta byŭ siarod tych, chto płanavaŭ ataku dronaŭ na BiełAES.
24 krasavika stała viadoma, što Pavieł Bialucin źnik u Polščy. Jahonaja žonka kazała, što apošni raz jon vychodziŭ na suviaź za dva tydni da taho.
U 2022 hodzie Pavieł Bialucin byŭ prysudžany ŭ Biełarusi da «chatniaj chimii» za abrazu pradstaŭnika ŭłady. Napačatku 2024 hoda jon udzielničaŭ u vybarach u Kaardynacyjnuju radu ad abjadnańnia «Salidarnaść». Ale nieŭzabavie vyśvietliłasia, što ŭ 2017 hodzie čałaviek z takim ža imiem i proźviščam napisaŭ danos u KDB na Mikałaja Aŭtuchoviča.
Tady siabroŭstva Bialucina ŭ partyi «Narodnaja hramada» było spynienaje. Taksama jon byŭ vyklučany sa śpisu kandydataŭ u KR.
Pavodle žonki, mužčyna žyŭ u Vilni, ale niekalki miesiacaŭ tamu Litva abviaściła jaho pahrozaj nacyjanalnaj biaśpiecy. Tady jon źjechaŭ adtul «u Jeŭropu, šukać pracu».
Stukač z «Hramady», jaki letaś sprabavaŭ praleźci ŭ Kaardynacyjnuju radu, pajechaŭ u Polšču i prapaŭ
Partyja, ad jakoj u KR išło najbolš ahientury, zajaviła pra niepryznańnie Cichanoŭskaj. A paśla asprečyła heta
Dvoje siabroŭ «Narodnaj hramady» pisali danosy ŭ KDB. Chto jany i jak tłumačać situacyju?
Kandydata ŭ Kaardynacyjnuju radu ad «Narodnaj Hramady» vykinuli sa śpisu, bo jon danosčyk. Stukaŭ na Aŭtuchoviča
«Narodnaja hramada» adreahavała na apubličvańnie danosčykaŭ u šerahach partyi
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary