Kamitet dziaržaŭnaj biaśpieki Biełarusi ŭklučyŭ stvaralnic minskaha startap-chaba Imaguru Taćcianu Marynič i Anastasiju Chamiankovu, a taksama jaho byłoha dyrektara Jaŭhiena Puhača ŭ pieralik asob i arhanizacyj, jakija majuć dačynieńnie da terarystyčnaj dziejnaści. Ich imiony źjavilisia ŭ abnoŭlenym śpisie ad 7 maja, piša Devby.io.
Adznačajecca, što padstavaj dla ŭklučeńnia ŭ terarystyčny cpis źjaŭlajecca ŭstupleńnie «ŭ zakonnuju siłu prysudu suda».
Raniej Minski haradski sud zavočna asudziŭ Marynič i Chamiankovu da 12 i 11 hadoŭ pazbaŭleńnia voli. Ich pryznali vinavatymi ŭ raspalvańni sacyjalnaj varožaści, zmovie z metaj zachopu ŭłady, zaklikach da sankcyj, stvareńni ekstremisckaha farmavańnia, finansavańni ekstremisckaj dziejnaści, viarboŭcy hramadzian dla ŭdziełu va ŭzbrojenym farmavańni na terytoryi zamiežnaj dziaržavy, abrazie pradstaŭnika ŭłady, a taksama ŭchileńni ad vypłaty padatkaŭ i złoŭžyvańni słužbovym stanoviščam.
Puhača pryznali vinavatym u zaklikach da dziejańniaŭ, nakiravanych na pryčynieńnie škody nacbiaśpiecy i ŭchileńni ad vypłaty padatkaŭ, prysudziŭšy jamu 4,5 hady kałonii. Paźniej sprava była razhledžanaja apielacyjnaj instancyjaj Viarchoŭnaha suda.
Imaguru byŭ pryznany «ekstremisckim farmavańniem» u žniŭni 2023 hoda. Pra jaho zakryćcio było abvieščana na dva hady raniej, u 2021-m.
Da kałonii i bujnych štrafaŭ asudzili pradstaŭnikoŭ minskaha startap-chaba «Imahuru»
Jeŭrakamisija vydaje 3 miljony jeŭra na padtrymku biełaruskaha biznesu za miažoj. U kansorcyum uvachodziać ABBA, Imaguru i Belbiz
Treba stać novym Izrailem. U Biełarusi prydumali, jak raźvivać startapy
«Siońniašniaja vizitoŭka Biełarusi — palityčny teror». Taćciana Marynič pra rełakiejt, palityku i PVT
Ciapier čytajuć
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary
Zvanija, dołžnosti, priemii , lhoty iz vozducha.