Mielnikava krała hramadskija hrošy pa $2500, pieravodziačy na ŭłasny rachunak
«Kibierpartyzany» paviedamili pra adnaŭleńnie kantrolu nad kiravanym raniej źnikłaj Anžalikaj Mielnikavaj fondam Białoruś Liberty. Praz upaŭnavažanych pradstaŭnikoŭ jany zmahli atrymać źviestki pra ruch hrošaj praz rachunak fondu pačynajučy ad pačatku 2024 hoda. U vyniku stała viadoma, što Mielnikava vyvieła z rachunku na asabistyja patreby bolš za 150 tysiač dalaraŭ.
U paviedamleńni «Kibierpartyzanaŭ» adznačajecca, što ŭsie pastupleńni i vypłaty z rachunku fondu sychodziacca z tymi, jakija byli ŭzhodnienyja ź finansavym adździełam hrupy, až da druhoj pałovy studzienia 2025 hoda. Da hetaha času Anžalika Mielnikava całkam vykonvała abaviazacielstvy, jakija na siabie ŭziała, i nie była zaŭvažanaja ŭ rastracie srodkaŭ hrupy na asabistyja patreby.
Pieršy vypadak vydatkavańnia srodkaŭ «Kibierpartyzan» na asabistyja patreby Mielnikavaj byŭ zafiksavany 22 studzienia 2025 hoda — heta była apłata pasłuh servisu Booking z karty, jakaja znachodziłasia ŭ Mielnikavaj.
Na praciahu lutaha 2025 hoda Mielnikava raz u niekalki dzion vyvodziła na asabisty rachunak srodki, jakija joj nie naležali, sumami da 2,5 tysiač dalaraŭ. U tym liku jana vykarystała servis ekspres-pieravodaŭ dla paskareńnia tranzakcyj.
Pieravod pa hrancie dla Kaardynacyjnaj rady (kala 107 tysiač dalaraŭ) pastupiŭ na rachunak fondu 13 sakavika. Atrymańnie hetaj sumy nie ŭzhadniałasia z pradstaŭnikami «Kibierpartyzan», jaje pradstaŭniki nie viedali navat pra sam fakt takoha vykarystańnia rachunku fondu.
Na praciahu sakavika Mielnikava vyvieła na asabisty rachunak u niekalki apieracyj usiu pieraviedzienuju sumu hranta dla Kaardynacyjnaj rady, a taksama ŭsie astatnija srodki na rachunku, u tym liku pryznačanyja na prajekty «Partyzanskaha telehrama» i dapamohu ŭ žurnalisckich rasśledavańniach (kala 30 tysiač dalaraŭ).
Samyja bujnyja pieravody byli zroblenyja 5 i 18 sakavika. Ahułam Mielnikava vyvieła bolš za 150 tysiač dalaraŭ. Apošniaja apieracyja pa vyvadzie srodkaŭ datujecca 24 sakavika 2025 hoda.
Pa fakcie kradziažu padadziena zajava ŭ pravaachoŭnyja orhany Polščy.
«Kibierpartyzany» adznačajuć, što strata imi srodkaŭ patencyjna časova zamarudzić pracy nad prajektami «Partyzanskaha Telehrama» i dapamohu ŭ žurnalisckich rasśledavańniach, ale heta nie zakranaje ich pracu pa ŭzłomach sietak režymaŭ Biełarusi i Rasii. Sakretnaj infarmacyjaj pra arhanizacyju Anžalika Mielnikava nibyta nie vałodaje.
Anžalika Mielnikava tydzień praviała na Šry-Łancy i vylecieła ź dziećmi ŭ Dubaj
Mielnikava prylacieła na Šry-Łanku, ale paśla palacieła dalej — Cimur Aleŭski
«Kibierpartyzany»: My nie viedajem, adkul u «Palityki» infarmacyja pra Mielnikavu
Polityka pra źnikłyja hrošy KR: Ahułam byli źniatyja 118 tysiač jeŭra
«Vylecieła z Łondana ŭ treciuju krainu». Što viadoma pra źniknieńnie Mielnikavaj praź miesiac pošukaŭ
Ciapier čytajuć
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie11
«Z tatam vyrašyli: naśpieŭ čas vučycca pa-biełarusku». Žančyna raskazała, jak u 80-ja hady jeździła za 20 kiłamietraŭ ad Minska dziela adukacyi na rodnaj movie1
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7878
Kamientary
(Druhi vypadak).
[Zredahavana]