Antykryzisnymi kiraŭnikami zabaroniać pracavać tym, chto sudziŭsia pa palityčnych artykułach
Ministerstva ekanomiki prapanavała źmianić zakon, jaki tyčycca antykryzisnych kiraŭnikoŭ — ludziej, što kirujuć pradpryjemstvami padčas ich bankructva. Pavodle novaha zakonaprajekta, jaki vyniesieny na hramadskaje abmierkavańnie, takim kiraŭnikam mohuć zabaranić pracavać, kali jany raniej mieli palityčnyja administracyjnyja parušeńni.
Meta hetych źmienaŭ — dapuskać da pracy tolki tych śpiecyjalistaŭ, jakija, pavodle pradstaŭnikoŭ ŭłady, łajalnyja da dziaržavy i padtrymlivajuć najaŭny ŭ krainie ład.
Taksama ŭ dakumiencie prapisvajecca, što atrymać dazvoł na pracu antykryzisnym kiraŭnikom nielha budzie, kali čałaviek pad sudom, pad śledstvam abo kali raniej pryciahvaŭsia da adkaznaści pa artykułach, źviazanych z udziełam u masavych mierapryjemstvach abo raspaŭsiudam «ekstremisckich» materyjałaŭ.
Hramadskaje abmierkavańnie prapanavanych pravak praciahniecca da 23 maja.
Minpracy kankretyzuje śpis prafiesij, na jakija možna budzie brać na pracu niepaŭnaletnich
«Vźviejtieś kostrami» ŭ inšaj formie viarnułasia ŭ škoły». Što ciapier adbyvajecca ŭ biełaruskaj adukacyi?
Źbirajucca skaracić śpis rabot, zabaronienych dla žančyn
«Aznačeńnie Biełarusi jak vypalenaj ziamli mnie nie padabajecca». Manałoh biełarusa, jaki niadaŭna vyjechaŭ z krainy
Kamientary
Kstati, jabaťki namnoho bystrieje doriezajut, kak normalno rabotajuŝieje, tak i na stadii bankrotstv. Jabaťki nie imiejut tormozov v vorovstvie i vziatočničiestvie, kak i profnavykov.