Vialikaja transfarmacyja Airbnb: ad kvater da ŭsiaho na śviecie
Airbnb u aŭtorak zapuściła abnoŭleny dadatak. Karystalniki ciapier zmohuć pradavać i kuplać i pasłuhi ad masažu da piersanalnych trenieraŭ i kucharaŭ.
Kampanija praciahvaje pašyracca za miežy svajoj asnoŭnaj dziejnaści — karotkaterminovaj arendy žylla.
«Ludzi vybirajuć hateli za ich pasłuhi. Ludzi vybirajuć Airbnb za prastoru… ciapier my dajom vam najlepšaje z abiedźviuch mahčymaściaŭ», — zajaviŭ hienieralny dyrektar kampanii Brajan Česki.
Heta adbyvajecca praź niekalki tydniaŭ paśla taho, jak kampanija pradkazała mahčymaje źnižeńnie kolkaści braniravańniaŭ u ZŠA, bo niepradkazalnaja handlovaja palityka prezidenta Trampa ŭpłyvaje na spažyvieckija nastroi.
Niahledziačy na toje, što z momantu zapusku ŭ 2008 hodzie Airbnb pryniaŭ bolš za dva miljardy haściej, kampanija sutyknułasia z šeraham prablem apošnija hady, kali niekatoryja harady pačali zabaraniać karotkaterminovuju arendu.
Novyja pasłuhi Airbnb spačatku buduć dastupnyja ŭ 260 haradach, i, pa słovach kampanii, buduć kaštavać ad mienš za 50 dalaraŭ (kala 164 rubloŭ).
Luksavyja prapanovy, jakija ŭklučajuć spa-pracedury, pasłuhi fatohrafaŭ i vizažystaŭ, taksama mohuć braniravać ludzi, jakija nie spyniajucca ŭ žylli Airbnb.
Abnoŭleny dadatak taksama maje pierapracavanuju ŭkładku «Uražańni», jakaja dazvalaje karystalnikam braniravać indyvidualnyja tury i aktyŭnaści. Hetaja pasłuha ŭpieršyniu źjaviłasia ŭ 2016 hodzie.
«Padarožniki ciapier značna bolš dumajuć pra toje, jak indyvidualizavać svaju pajezdku, a nie tolki jak tudy dabracca i dzie spynicca», — adznačyŭ dyrektar markietynhavaj turystyčnaj firmy Check-in Asia Hery Baŭerman u kamientary Bi-bi-si.
Jašče adna funkcyja novaha dadatku — heta raździeł «Ekskluzivy», jaki prapanuje ekskluziŭnyja ŭražańni pa ŭsim śviecie, takija jak mahčymaść pahulać u plažny valejboł u Rya-de-Žanejra z alimpijskaj čempijonkaj abo pravieści niadzielu z zorkaj Nacyjanalnaj futbolnaj lihi.
Indyvidualnyja varyjanty, padobnyja hetym, źjaŭlajucca častkaj bolš šyrokaha trendu, kali turysty šukajuć niestandartnyja ŭražańni.
«Tak šmat ludziej padarožničała i pasprabavała stolki ŭsiaho, što mety abo standarty dla ŭnikalnych uražańniaŭ uvieś čas źmianiajucca», — zaŭvažaje kansultantka pa luksavych padarožžach Anastasija O'Ryardan.
Ciapier čytajuć
Polšča pryznała Alaksandra Mašenskaha niepažadanaj asobaj35
Kamientary