Prypiać upieršyniu za niekalki dziesiacihodździaŭ nie vyjšła ź bierahoŭ
Vadajomy Biełarusi hetaj viasnoj rekordna abmialeli. Naprykład, u Bresckaj vobłaści nie sfarmavałasia viasnovaje razvodździe. Prypiać užo pavodzić siabie nie tak, jak zvyčajna — upieršyniu za niekalki dziasiatkaŭ hadoŭ viasnoj nie vyjšła ź bierahoŭ, piša «Miedyja-Paleśsie».
Letniaja zasucha, suchaja vosień, biaśśniežnaja zima i ścipłaja na apadki viasna — usio heta pryviało da maštabnaha abmialeńnia. U haspadarcy vymušana pierajšli na źbierahalny mietad vyroščvańnia ryby. Što heta aznačaje? Abjom vady ŭ sažałkach źnizili da krytyčnych 80%. Padklučyli pompy, kab pierakačvać vadu z samaj nižniaj kropki haspadarki, bieručy na siabie dadatkovyja vydatki pa elektraenierhii. Samaja ekstremalnaja miera — apuścieli čatyry sažałki. Heta byŭ adziny šaniec, kab da narmalnaj adznaki napoŭnić susiednija vadajomy.
Sioleta reki Bresckaj vobłaści pazbavilisia viasnovaha razvodździa — za zimu vypała tolki pałova ad klimatyčnaj normy apadkaŭ, viasnovy ściok čakajecca samym nizkim za apošnija 20 hadoŭ.
Asušanaje Paleśsie ŭ tym liku zastałosia biez vady.
Vodny kryzis zakranuŭ rybnyja haspadarki krainy.
— My nazirajem realnuju zasuchu, — tłumačyć zahadčyk łabaratoryi aptymizacyi ekasistem Paleskaha ahrarna-ekałahičnaha instytuta NAN Biełarusi Viktar Damiančyk. — Zasucha pryviała, naprykład, da taho, što bujnyja žyvioły akazalisia ŭ niedachopie karmavoj bazy, tamu jany nablizilisia da nasielenych punktaŭ. Naprykład, lisy, janotapadobnyja sabaki. Z-za niedachopu vilhaci hety siezon budzie vyprabavańniem dla našaj zanaalnaj pryrody.
Kali suchoje nadvorje zachavajecca, uzroŭni vady ŭ rekach dasiahnuć minimalnych adznak za ŭsiu historyju hidrałahičnych mieteanazirańniaŭ, prahnazujuć ekśpierty.
Ciapier čytajuć
Represii razhaniajucca ci zapavolvajucca? Davajcie ličyć7
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Kamientary
I vielit dať doždia!
A jašče mahčyma, što heta praz uzarvanuju Kachoūskuju HES... Vializnaje vadaschovišča znikla, a jano padtrymlivala ūzroviaņ heuntovaj vady na vializnaj adliehlasci uzdoūž Dniapra i prytokaū...
Što skažuc` abaznanyja navukoūcy, jakich tut plojma... ?