Tramp skazaŭ, za kaho hałasavać na vybarach mera Ńju-Jorka, inakš pareža horadu finansavańnie
Prezident ZŠA Donald Tramp pryhraziŭ abmiežavać fiederalnaje finansavańnie Ńju-Jorka, kali kandydat ad Demakratyčnaj partyi Zochran Mamdani pieramoža na vybarach mera, jakija projduć u aŭtorak. Tramp zaklikaŭ svaich prychilnikaŭ hałasavać za byłoha hubiernatara štata Ńju-Jork Endru Kuoma, piša VVS.
Kuoma — člen Demakratyčnaj partyi, na vybarach mera Ńju-Jorka jon vystupaje jak niezaležny kandydat paśla taho, jak sastupiŭ Mamdani na prajmieryz Dempartyi. Apytańni pakazvajuć, što Mamdani apiaredžvaje Kuoma.
«Ci padabajecca vam Endru Kuoma, ci nie, u vas, pa sutnaści, niama vybaru. Vy musicie hałasavać za jaho i spadziavacca, što jon bliskuča spravicca sa svajoj pracaj. Jon na heta zdolny, a Mamdani — nie!» — napisaŭ Tramp u Truth Social.
Respublikancy krytykavali kandydaturu Mamdani ciaham usioj kampanii, a Tramp nazyvaŭ jaho kamunistam.
U červieni 34‑hadovy palityk uraziŭ palityčnych ahladalnikaŭ pierakanaŭčaj pieramohaj na prajmieryz.
Prahrama Mamdani ŭklučaje pavyšeńnie padatkaŭ dla samych bahatych žycharoŭ Ńju-Jorka, zamarozku arendnych stavak i pavieličeńnie dziaržaŭnych subsidyj na žyllo.
«Ja b paličyŭ lepšym ubačyć pieramohu demakrata, jaki maje za plačyma paśpiachovuju historyju, čym kamunista biez dośviedu», — zajaviŭ Tramp.
Jon papiaredziŭ: «Krajnie małaimavierna, što ja budu vydzialać fiederalnyja srodki, za vyklučeńniem samaha nieabchodnaha minimumu».
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie88
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały99
Kamientary
Siadzić doma, hladzić televizar i reahuje ŭ sacmiedyja. Miem-łord.
Bo lepiej dačakacca kab hety lepšy siabar terarystaŭ i masavych zabojcaŭ staŭ meram, a potym zdymać praź jaho palityčnyja kupony, jašče i NJ vyratavać. I klučy ad horada atrymać, i parad.