Što budzie, kali nie kasić travu, vyšejšuju za 20 santymietraŭ?
Namieśnik ministra ŽKH abiacaje, što nichto nie budzie chadzić, mierać i štrafavać za 21 sm.
U Ministerstvie žyllova-kamunalnaj haspadarki Biełarusi raskazali, što budzie, kali nie skošvać na ŭčastku travu vyšejšuju za 20 santymietraŭ.
Pavodle słoŭ namieśnika ministra ŽKH Andreja Ramaški, novaŭviadzieńni, zamacavanyja pastanovaj Savieta ministraŭ numar 267 ad 16 maja 2025 hoda, nie źjaŭlajucca niečym pryncypova novym. Raniej anałahičnyja normy ŭžo isnavali — ale byli raskidanyja pa roznych techničnych dakumientach.
«U Hod dobraŭparadkavańnia my vyrašyli abjadnać namahańni dziaržavy, arhanizacyj i hramadzian, kab navieści paradak i nadać estetyčnaść nasielenym punktam. Tamu praviły byli strukturavanyja — zaraz jany achoplivajuć i prydamavyja terytoryi, i ŭčastki, zamacavanyja za pradpryjemstvami», — patłumačyŭ Andrej Ramaška infarmahienctvu BiełTA.
Asobnym punktam namieśnik ministra prakamientavaŭ rezanansnuju temu skošvańnia travy. Pavodle jaho słoŭ, i tut razmova idzie nie ab novych patrabavańniach. Z 2020 hoda dziejničajuć praviły pa ŭtrymańni azielanionych terytoryj, dzie ŭžo prapisany paradak dohladu za hazonami, uklučajučy i vyšyniu travianoha pokryva.
«Ale heta nie śviedčyć ab tym, što niechta budzie chadzić i vymiarać vyšyniu travy, i kali jana budzie 21 sm, to davać štraf. Hetyja normy nieabchodnyja, kab razumieć, kali svoječasova vykonvać raboty pa ŭtrymańniu hazonaŭ i naviadzieńniu paradku na azielanionych terytoryjach», — udakładniŭ Ramaška.
Niahledziačy na toje, što za parušeńnie praviłaŭ praduhledžana administracyjnaja adkaznaść, ułady robiać akcent na prafiłaktycy. «Heta miery papieradžalnaha charaktaru. Na siońnia my z abłvykankamami prapracoŭvajem heta pytańnie. Meta nie vyłoŭlivać i karać ludziej, a pahavaryć, davieści da viedama patrabavańni i prakantralavać ich vykanańnie», — zaznačyŭ namieśnik ministra.
Kamientary