Ścipły zvonku, carski ŭsiaredzinie. Pad Minskam pradajuć katedž ź siurpryzam
U vioscy Vialiki Traścianiec, prylehłaj da ŭschodniaj častki Minska, vystavili na prodaž dom, jaki nahadvaje chutčej zaharadnuju siadzibu ci pałac. Zvonku jon zdajecca zvyčajnym, a voś usiaredzinie čakaje sapraŭdnaja raskoša, piša «Anłajnier».
Pabudavany katedž u dalokim 2007 hodzie z hazasilikatnych błokaŭ z uciapleńniem. Pierakryćci ŭ im — žalezabietonnyja, dach pakryty miakkaj čarapicaj. Zvonku budynak vyhladaŭ by całkam zvyčajnym, kali b nie biełaśniežnaja leśvica sa skulpturami lvoŭ i lichtarnymi słupami ŭ vyhladzie žanočych fihur. Jana jak byccam namiakaje, što ŭsiaredzinie budzie niešta cikavaje.
Ahulnaja płošča doma — 377 «kvadrataŭ». Składajecca jon z troch uzroŭniaŭ. Na pieršym paviersie — prastornaja kuchnia-stałovaja, haścioŭnia sa stolami vyšynioj 3,28 mietra, upryhožanaja kałonami, pazałočanymi bufietami, skulpturami i aksamitnymi kresłami. Razynkaj prastory možna nazvać vialikija vokny ad padłohi da stoli — u sučasnych karkaśnikach panaramnaje škleńnie ŭžo nie redkaść, ale ŭ 2000-ch padobnyja architekturnyja rašeńni vykarystoŭvalisia nie tak časta.
Na druhim paviersie znachodziacca čatyry žyłyja pakoi i sanvuzieł. Interjer tut ściplejšy i nahadvaje styl pačatku 2000-ch: stoli z hipsakartonu i charakternaja mebla taho času.
Na cokalnym paviersie raźmiaścilisia druhaja kuchnia, pralnia, kładoŭka, kacielnia i jašče adzin sanvuzieł.
Razynka doma — adkryty paŭkruhły bałkon, jaki byccam stvorany dla viačernich sierenad. Praŭda, u ciapierašnija časy varta raźličvać chiba što na ranišniuju kavu ź vidam na tui i akulturany ŭčastak.
Usie kamunikacyi na miescy: hazavaje aciapleńnie, centralnaje vodazabieśpiačeńnie, miascovaja kanalizacyja.
Pradajecca taki abjekt za $270 000 pa kursie. U pieraliku atrymlivajecca ŭsiaho tolki $716 za «kvadrat». Ciapier padobnuju canu možna sustreć chiba što tolki ŭ damach dla čarhavikoŭ.
Ciapier čytajuć
Kruiz na ciepłachodzie «Biełaja Ruś» pa rekach Paleśsia kaštuje jak adpačynak u Turcyi. Ale kajuty na viasnu-leta amal vykuplenyja7
Kamientary
A to zaŭždy vanituje ad carskich interjeraŭ.
Im strašna .
Spać nia mohuć . Aúra śmierci .