22 maja apostalski nuncyj u Biełarusi atrymaŭ biskupskaje paśviačeńnie. Sakrament jamu ŭdzialiŭ u bazilicy Śviatoha Piatra ŭ Vatykanie kardynał-dziaržsakratar Pjetra Paralin, pišuć «Vatykanskija naviny».
Na ŭračystaj liturhii, jakaja prajšła pry Ałtary katedry na fonie manumientalnych bronzavych skulptur łacinskich i uschodnich ajcoŭ Kaścioła, brali ŭdzieł kaścielnyja ijerarchi i papskija dypłamaty na čale z arcybiskupam Połam Ryčardam Hałachieram, Sakratarom pa adnosinach ź dziaržavami i mižnarodnymi arhanizacyjami.
U liturhii brali ŭdzieł taksama arcybiskup Juzaf Stanieŭski i biskup Alaksandr Jašeŭski, pastyry Minska-Mahiloŭskaj archidyjacezii, archimandryt Siarhiej Hajek, Apostalski administratar dla viernikaŭ vizantyjskaha abradu ŭ Biełarusi, a taksama niekalki biełaruskich śviataroŭ.
Na imšy prysutničaŭ pasoł Biełarusi pry Śviatym Pasadzie Juryj Ambrazievič.
U pasłańni kardynał Pjetra Paralin nahadaŭ, miž inšym, što mansieńjor Čefalia słužyŭ Śviatomu Pasadu ŭ Ekvadory, Pastajannaj misii pry Radzie Jeŭropy ŭ Strasburhu, Siekcyi pa adnosinach ź dziaržavami i mižnarodnymi arhanizacyjami Dziaržaŭnaha sakrataryjata i, narešcie, u jakaści pavieranaha ŭ spravach nuncyjatury ŭ Vieniesuele.
-
U kobrynskaj balnicy patłumačyli, čamu ŭ joj niemetazhodna mieć svoj aparat MRT. Žychary nie zhodnyja
-
Biełarusaŭ u Maskvie vyzvalili ad abaviazkovaj rehistracyi, pad jakuju trapiać inšyja inšaziemcy
-
«U mianie było piać mužčyn. Šosty — Isus». Asia Papłaŭskaja chacieła stać manaškaj, ale nie atrymałasia
Žonka ahienta-kachanka Anžaliki Mielnikavaj źviazanaja z arhanizacyjaj Ruskaja madel efiektyŭnaha spakušeńnia18
Kamientary