Da kanca hoda chvorych na dyjabiet pieraviaduć na kartrydžnuju formu insulinu
Da kanca hoda ŭsich pacyjentaŭ z cukrovym dyjabietam u Biełarusi pieraviaduć na vykarystańnie insulinu ŭ kartrydžach. Pra heta paviedamiła hałoŭny pazaštatny endakrynołah Ministerstva achovy zdaroŭja, namieśnica hałoŭnaha doktara Respublikanskaha centra miedycynskaj reabilitacyi i balniealačeńnia Volha Sałko.
Pavodle słoŭ Volhi Sałko, za apošnija piać hadoŭ značna palepšyłasia jakaść dapamohi ludziam ź pieršym typam dyjabietu: aktyŭna raźvivalisia škoły dyjabietu, palapšalisia mietady kantrolu za chvarobaj, a taksama źmianialisia padychody da zabieśpiačeńnia lekami.
Usie dzieci i darosłyja ź pieršym typam dyjabietu ŭžo vykarystoŭvajuć sučasnyja hienainžyniernyja insuliny ŭ kartrydžach, a ciapier na takuju formu pastupova pieravodziać i ludziej z druhim typam.
Asablivuju rolu ŭ hetym adyhryvaje biełaruski vytvorca — pradpryjemstva «Biełmiedpreparaty», jakoje asvoiła vypusk insulinu ŭ kartrydžach. Heta dazvalaje zabiaśpiečvać patreby pacyjentaŭ z ułasnych resursaŭ.
Taksama pašyrajucca mahčymaści kantrolu ŭzroŭniu cukru ŭ kryvi. Akramia zvyčajnych hlukamietraŭ, usio šyrej vykarystoŭvajucca sistemy bieśpierapynnaha manitorynhu hlikiemii.
Što tyčycca inšych endakrynnych chvarob, naprykład patałohij ščytapadobnaj załozy abo redkich zachvorvańniaŭ, takich jak prablemy hipofizu ci deficyt harmonu rostu, to i tut, pavodle słoŭ Volhi Sałko, dziaržava zabiaśpiečvaje nieabchodnaje lačeńnie. Jak jana śćviardžaje, zakuplajucca darahija leki, kab zabiaśpiečyć imi ŭsich, chto maje patrebu.
Ciapier čytajuć
Chrysta Hrozieŭ: Mielnikava jak minimum hod, a chutčej za ŭsio, paŭtara pieradavała infarmacyju biełaruskim śpiecsłužbam25
Kamientary