Raźviedka Ukrainy: Biełaruś nie atrymała ad Rasii jadziernaj zbroi, stajać tolki nośbity biez bojehałovak
Ci atrymała Biełaruś jadziernuju zbroju ad RF? U Słužbie źniešniaj raźviedki Ukrainy zajavili, što bojehałovak u krainie niama, paviedamiŭ kiraŭnik Słužby źniešniaj raźviedki Ukrainy Aleh Ivaščanka.
U Biełarusi niama rasijskaj jadziernaj zbroi, niahledziačy na zajavy režymu Alaksandra Łukašenki.
Pavodle słoŭ Aleha Ivaščanki, na terytoryi krainy raźmieščany nośbity — u pryvatnaści, samaloty i apieratyŭna-taktyčnyja kompleksy «Iskander». Adnak sami bojehałoŭki nie pieradavalisia.
«Samoj jadziernaj zbroi ŭ Biełarusi niama. Heta fakt», — padkreśliŭ Ivaščanka.
Pavodle jaho słoŭ, u Biełarusi abstaloŭvajuć miescy zachoŭvańnia i aktyŭna rychtujucca da mahčymaści raźmiaščeńnia jadziernaj zbroi.
«Łukašenka kaža, što da kanca hoda ŭ ich budzie «Arešnik». Ale heta padobna da vydavańnia žadanaha za realnaje. Na siońnia — ničoha takoha niama, i małavierahodna, što źjavicca», — dadaŭ kiraŭnik SZR.
Alaksandr Łukašenka raniej zajaŭlaŭ, što Biełaruś zajmajecca vytvorčaściu puskavych ustanovak dla kompleksu «Arešnik», ale dla paŭnavartasnaha asnaščeńnia patrebnyja rakiety z Rasii.
Kamientary