Načalnik Štaba abarony Litvy pra budučyja biełaruska-rasijskija vučeńni: Pakul my nie bačym nijakich siurpryzaŭ
Načalnik Štaba abarony hienierał-lejtenant Litvy Rymihijus Bałtrenas śćviardžaje, što niama nijakich prykmiet taho, što budučyja vajskovyja vučeńni «Zachad-2025» ujaŭlajuć bolšuju pahrozu, čym zvyčajna, piša Delfi.lt.
«Napeŭna, nichto nie moža admaŭlać hetyja drennyja i złyja namiery Rasii i Biełarusi, jany zastalisia, i my bačym, što adbyvajecca. Adnak (vučeńni) «Zachad» nie źjaŭlajecca bolš maštabnymi i pahroźlivymi pa svaim abjomie, čym u 2021 hodzie», — zajaviŭ R. Bałtrenas žurnalistam u Štabie abarony ŭ aŭtorak.
Prezident Ukrainy Uładzimir Zialenski nieadnarazova zajaŭlaŭ, što vučeńni «Zachad» mohuć stvarać ryzyku hibrydnych pahroz na miažy Polščy abo krain Bałtyi. Adnak R. Bałtrenas zapeŭniŭ, što litoŭskaja i sajuźnickaja raźviedka pakul nie pradbačyć padobnych ryzyk.
«I raźviedka NATA, i litoŭskaja raźviedka vykonvajuć svaje funkcyi, sistemy apaviaščeńnia pracujuć. Na dadzieny momant my nie pradbačym nijakich siurpryzaŭ», — padkreśliŭ hienierał.
Płanujecca, što ŭ sumiesnych rasijska-biełaruskich vučeńniach prymie ŭdzieł bolš za 13 tys. vajskoŭcaŭ. Na pytańnie ab tym, ci mohuć hetyja sałdaty rychtavacca da bajavych dziejańniaŭ va Ukrainie, načalnik Štaba abarony vykazaŭ sumnieŭ u takoj mahčymaści.
«Idzie havorka pra 13 tys. (…). Heta (ličba) pakul zastajecca. Razumiejučy, što adbyvajecca va Ukrainie, Rasija i Biełaruś nie mohuć sabie dazvolić vialikich maštabaŭ, bo heta prosta fizična niemahčyma», — skazaŭ R. Bałtrenas.
Maskva i Minsk u vieraśni 2025 hoda płanujuć pravieści maštabnyja sumiesnyja vajskovyja vučeńni «Zachad». Aficyjnymi metami apošnich źjaŭlajucca adpracoŭka sumiesnych abarončych i nastupalnych dziejańniaŭ, udaskanaleńnie ŭzajemadziejańnia ŭzbrojenych sił, a taksama pravierka hatoŭnaści vajskoŭcaŭ da roznych scenaraŭ biaśpieki.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary