Śviet77

Zialenski: Rasija prapanoŭvała pravieści pieramovy ŭ Biełarusi

Prezident Ukrainy nazvaŭ try miescy, na jakija zhodny Kijeŭ.

Rasijskaja delehacyja na čale z Uładzimiram Miadzinskim (druhi źleva) na pieramovach u Stambule. Fota: Arif Hudaverdi Yaman/Anadolu via Getty Images

Ukraina abmiarkoŭvaje pytańnie niekalkich placovak dla mahčymych pieramovaŭ pa spynieńni vajny, najbolš realistyčnymi źjaŭlajucca Turcyja, Vatykan i Šviejcaryja, paviedamiŭ prezident Ukrainy Uładzimir Zialenski, piša «Interfaks-Ukraina».

«Pa-pieršaje, ja sapraŭdy ŭdziačny i prezidentu Erdahanu, i Chakanu Fidanu — ministru zamiežnych spraŭ Turcyi. U jaho sustreča z rasijanami. Potym u mianie budzie ź im sustreča praź niekalki dzion. Turecki bok viedaje, što my abmiarkoŭvajem pytańnie niekalkich placovak. I što my zrabili padrychtoŭčuju pracu pa Vatykanu i Šviejcaryi», — skazaŭ Zialenski padčas razmovy z žurnalistami 27 maja.

Prezident Ukrainy adznačyŭ, što sustreču ŭ Vatykanie padtrymlivajuć usie, akramia rasijskaha boku.

«Usie pieradali sihnały pra hatoŭnaść da nastupnych sustreč. I Šviejcaryja. Vielmi choča šviejcarski bok, my nie suprać. Znoŭ ža, usie my padtrymlivajem. Ad rasijan sihnałaŭ nie čuli», — paviedamiŭ prezident.

Pavodle jaho słoŭ, Afryka i Malta taksama prapanujuć svaje placoŭki, adnak RF na ŭvieś hety śpiektr pieradała sihnał pa Biełarusi.

«Jak vam skazać, na što heta padobna? Kali nie chočuć, mnie zdajecca, ludzi pavinny skazać: «My zaraz nie hatovyja. Albo nie chočam zakančvać vajnu». Tamu što heta niesurjozna. Biełaruś dla nas na siońnia źjaŭlajecca krainaj, ź jakoj palacieli rakiety, i, adpaviedna, jana źjaŭlajecca sajuźnikam krainy, jakaja na nas napała. I vojski zachodzili ź Biełarusi. Heta prosta niemahčyma ŭ dačynieńni da Biełarusi», — padkreśliŭ prezident Ukrainy.

«Ja dumaju, što samyja realistyčnyja try placoŭki: Turcyja, Vatykan i Šviejcaryja. Tamu što jany absalutna zrazumiełyja. My hatovyja da luboha farmatu. Ja liču, što lepš ruchacca napierad, a nie hladzieć pastajanna nazad», — reziumavaŭ Zialenski.

Kamientary7

  • Šmat jość placovak
    28.05.2025
    Adnolkava pryjemnych dla abodvuch bakoŭ.
    Danieck, Bachmut, Sievastopal...
    A mo i Sudža.
    Navošta im taja turcyja?
  • Bieraść
    28.05.2025
    Łukašenku davicie, biełarusy pamohuć.
  • Biełaruś pierad usim
    28.05.2025
    hałapierydoł , i jak jon asabliva ciśnie na łuku? Mabyć sankcyi chacia b uvioŭ suprać łuki?
    Ciśnie na Biełaruś, a łuku vyharodžvaje ŭvieś čas. Ni ŭ MKS na jaho nie źviarnuŭsia, ni nijakich atakaŭ vajennych abjektaŭ. Navat suprać raspaŭsiudu dziejańnia Śpiectrybunału pa ahresii na łuku vystupaŭ mienavita ŭkrainski deputat.

Ciapier čytajuć

Cichanoŭski: Pryjechaŭ by i pacisnuŭ Trampu ruku6

Cichanoŭski: Pryjechaŭ by i pacisnuŭ Trampu ruku

Usie naviny →
Usie naviny

62-hadovuju namieśnicu dyrektara minskaj himnazii adpravili ŭ kałoniju za palityku10

Złučanyja Štaty mohuć skaracić kolkaść svaich vojskaŭ u Jeŭropie na 30%3

Šeleh: Biełaruskija leki ničym nie adroźnivajucca ad starych preparataŭ bujnych farmaceŭtyčnych kampanij3

Nastajaciel manastyra Šaaliń trapiŭ pad śledstva pa padazreńni ŭ rastratach i amaralnym ładzie žyćcia4

U Rečyckim rajonie ad udaru tokam zahinuli dvoje mužčyn

Ceny na šakaład ździŭlajuć12

Navumčyk pra niezaležnaść Biełarusi: Pucin nie zdolny mabilizavać nivodnaha biełarusa na vajnu — nacyjanalnyja aŭtanomii Rasii nie majuć i hetaha29

Muzykanty vydalajuć svaju muzyku sa Spotify, bo jon spansaruje kampaniju, jakaja vyrablaje tysiačy dronaŭ dla Ukrainy26

«Heta svojeasablivaje partniorstva». Tramp zaklučyŭ ździełku, pa jakoj krainy Jeŭropy abaviazany płacić taryf 15%8

bolš čytanych navin
bolš łajkanych navin

Cichanoŭski: Pryjechaŭ by i pacisnuŭ Trampu ruku6

Cichanoŭski: Pryjechaŭ by i pacisnuŭ Trampu ruku

Hałoŭnaje
Usie naviny →

Zaŭvaha:

 

 

 

 

Zakryć Paviedamić