U Muchaŭcy znajšli cieła biez hałavy i ruk. Siłaviki raskryli zabojstva 24-hadovaj daŭnaści jak u filmach pra hanhstaraŭ
Cieła mužčyny biez hałavy i ruk znajšli ŭ race Muchaviec u vieraśni 2002 hoda. Rasśledavańnie doŭžyłasia čverć stahodździa.
Siłaviki raskryli zabojstva 24-hadovaj daŭnaści. U vieraśni 2002 hoda pad čyhunačnym mostam u race Muchaviec znajšli trup mužčyny biez hałavy i ruk.
Asobu zahinułaha nie mahli vyśvietlić 23 hady. Tolki ŭ 2023 hodzie siłaviki daviedalisia, što zahinuły — hramadzianin Rasii, jakoha zabili ŭ bandyckich razborkach.
Jak pakazała śledstva, zabojstva ździejśnili čaćviora žycharoŭ Bresta i Homiela, kankurenty mužčyny pa kryminalnym biznesie. U vieraśni 2001 hoda jany vykrali i źviazali 30-hadovaha rasijanina, nanieśli jamu niekalki ŭdaraŭ pa hałavie manciroŭkaj, pryviazali da jaho kanalizacyjnyja luki i jašče žyvoha skinuli z mosta ŭ vadu.
U sakaviku 2024 hoda siłaviki zatrymali troch udzielnikaŭ zdareńnia, jašče adzin abvieščany ŭ vyšuk.
Pa chodzie rasśledavańnia stała viadoma, što ŭ 2001 hodzie hetaja ž hrupa zrabiła napad na kvateru miascovaha pradprymalnika. Bandyty, pahražajučy zbrojaj, źviazali niepaŭnaletniuju dačku mužčyny i vykrali hrošy, a taksama kaštoŭnyja rečy.
Bresckim abłasnym sudom zatrymanyja pryhavorany da pazbaŭleńnia voli terminam ad 22 da 24 hadoŭ.
Kamientary