Belgee zacisnuła pamiž dvuma aŭtamabilami. Kryŭdnaja avaryja ŭ Minsku
Kali adnačasova dźvie mašyny pierastrojvajucca ŭ adnu pałasu, daloka nie zaŭsiody ŭsio prachodzić hładka. Hetym razam adnačasovyja manieŭry dvuch kiroŭcaŭ skončylisia avaryjaj, pryčym u joj zaadno paškodžany jašče adzin aŭtamabil, piša Onliner.by.
DTZ adbyłosia ŭ čaćvier udzień na vuł. Surhanava. Kiroŭca vyrašyŭ pierastroicca naprava, ale adnačasova ź im u toj ža rad zajazdžaŭ inkasatarski aŭtamabil. U vyniku kitajski krasovier apynuŭsia zacisnutym pamiž im i Mercedes.
— Samaje iraničnaje, što «Jandeks Karty» pakazvali mnie, što ŭ hetym miescy avaryja. Vierahodna, užo razabralisia. I na hetym ža miescy druhaja adbyłasia, jakuju i zapisaŭ, — zaŭvažyŭ aŭtar videa. — Ja svaje kantakty pakinuŭ chłopcam, užo adpraviŭ im videa. Zaraz raźbirajucca, dumaju, utvaryŭsia zator.
Taksama jon paviedamiŭ što za rulom Belgee byŭ małady chłopiec, a ŭ Mercedes — mužčyna.
Punkt 59 PDR havoryć: «Pry pierastrajeńni, vyjeździe na tramvajnyja šlachi, źjeździe ź ich kiroŭca pavinien sastupić darohu transpartnym srodkam, što ruchajucca ŭ spadarožnym napramku, bieź źmianieńnia ich napramku ruchu.
Pry adnačasovym pierastrajeńni transpartnych srodkaŭ kiroŭca pavinien sastupić darohu transpartnamu srodku, jaki znachodzicca sprava. Hetym praviłam pavinien kiravacca kiroŭca, transpartny srodak jakoha źjazdžaje z tramvajnych puciej».
Kamientary
Nie baču, nie čuju, "ślapaja zona", "a ja dumaŭ", "ion chutka jechaŭ", "adkul ty ŭziaŭsia" - łuchta heta ŭsio.
Napisana ŭ pdr sastupi, značyć sastupi.
Nie možaš karystacca pdr - nie biarysia za rul, jeździ na taksi.