29 maja 2020 hoda błohiera i zasnavalnika «Krainy dla žyćcia» Siarhieja Cichanoŭskaha zatrymali na pieradvybarnym pikiecie ŭ Hrodnie.
29 maja 2020 hoda ŭ Hrodnie AMAP zatrymaŭ błohiera Siarhieja Cichanoŭskaha i jaho apieratara. Zatrymańnie trapiła ŭ žyvy efir.
Spačatku ŭ kadry źjavilisia dźvie žančyny-pravakatarki, jakija patrabavali, kab Cichanoŭski adkazaŭ na ich pytańni. Błohier sychodziŭ ad ich, ale jany pieraśledvali jaho.
Nieŭzabavie źjavilisia dvoje milicyjantaŭ. Adzin ź ich paciahnuŭ Cichanoŭskaha za ruku, ludzi kinulisia adbivać błohiera.
U hetaj mituśni niechta šturchanuŭ milicyjanta, jon upaŭ. Tut i źjaviŭsia AMAP, jaki zatrymaŭ Cichanoŭskaha.
«Chłopcy, niejkaja pravakacyja, my ničoha nie rabili», — paśpieŭ skazać błohier.
8 červienia 2020 hoda Siarhieju Cichanoŭskamu i jašče šaści zatrymanym pa «hrodzienskaj spravie» było vystaŭlena abvinavačańnie pavodle č. 1 art. 342 Kryminalnaha kodeksa. Paźniej Cichanoŭskamu vystavili abvinavačvańnie jašče pavodle art. 191 Kryminalnaha kodeksa Respubliki Biełaruś — za «pieraškodu praviadzieńniu vybaraŭ i pracy Centrvybarkama». Heta sprava była zaviedziena ja paśla zajavy, padadzienaj na błohiera ŭ Śledčy kamitet kiraŭnicaj CVK Lidzijaj Jarmošynaj.
Siarhieju Cichanoŭskamu ŭ vyniku vystavili kančatkovaje abvinavačańnie pavodle nastupnych artykułaŭ Kryminalnaha kodeksa:
- č. 1 art. 293 (arhanizacyja masavych biesparadkaŭ);
- č. 3 art. 130 (raspalvańnie sacyjalnaj varožaści);
- č. 2 art. 191 (pieraškoda pracy CVK);
- č. 1 art. 342 (arhanizacyja dziejańniaŭ, jakija hruba parušajuć hramadski paradak).
14 śniežnia 2021 byŭ vyniesieny prysud: 18 hadoŭ źniavoleńnia ŭ kałonii ŭzmocnienaha režymu.
U siaredzinie studzienia 2023 h. suprać Siarhieja zaviali spravu pavodle č. 2 art. 411 KK za «złosnaje niepadparadkavańnie patrabavańniam administracyi papraŭčaj ustanovy». Praces raspačaŭsia 14 lutaha ŭ sudzie h. Žodzina.
27 lutaha 2023 hoda jamu da 18 hadoŭ kałonii dadali jašče paŭtara hoda źniavoleńnia.
Z sakavika 2023 hoda Siarhiej Cichanoŭski ŭtrymlivajecca ŭ poŭnaj izalacyi ad śvietu ŭ režymie inkamunikada.
-
Pamierła 32‑hadovaja dyzajnierka Volha Šaŭcova — amal pałovu svajho žyćcia jana zmahałasia z ankałohijaj
-
Novy kanflikt vakoł «Pahoni». Litoŭcy vinavaciać biełaruski futbolny kłub u kradziažy ich simvoliki
-
U Vaŭkavyskim rajonie žycharku vioski aštrafavali za vialikuju kolkaść katoŭ. Ale jurystka dapamahła adbicca
Ciapier čytajuć
«Kadebist vyjšaŭ z pakoja i pakinuŭ śviataru pistalet». Što adbyvajecca z ksiandzom Akałatovičam, jakoha abvinavacili ŭ špijanažy3
«Kadebist vyjšaŭ z pakoja i pakinuŭ śviataru pistalet». Što adbyvajecca z ksiandzom Akałatovičam, jakoha abvinavacili ŭ špijanažy
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary