Jakaja harełka ź Biełarusi ŭvajšła ŭ rejtynh najlepšych suśvietnych ałkaholnych brendaŭ
Biełaruskija brendy harełki ŭvajšli ŭ rejtynh najlepšych ałkaholnych napojaŭ The Millionaires' Club 2025, piša «Točka». Hety rejtynh adlustroŭvaje hłabalnyja tendencyi spažyvańnia śpirtnych napojaŭ.
Rejtynh The Millionaires' Club — heta štohadovy śpis, jaki publikujecca vydańniem Drinks International i ŭklučaje śpirtnyja brendy z usiaho śvietu. Dla taho, kab stać častkaj hetaha topa, vytvorca pavinien realizoŭvać nie mienš za 1 miljon 9-litrovych kiejsaŭ u hod (12 butelek pa 750 mł, abo 9 miljonaŭ litraŭ napoju).
Usiaho ŭ śpisie 148 ałkaholnych napojaŭ zusim z roznych kutkoŭ płaniety. Pieršaje miesca druhi hod zabiraje brend tradycyjnaha karejskaha ałkaholnaha napoju sodžu Jinro.
Druhoje miesca dali džynu Ginebra San Miguel, a na trecim radku lidaraŭ indyjski viski McDowell's.
Što da biełaruskich brendaŭ, to tut davoli niečakanaja karcina. «Stolhradnaja» (119-je miesca) abyšła «Bulbaš'» (122-je), a «Briest'-Litovsk''» (136-je) adarvałasia ad brenda «Konoplanka» (141-je).
Darečy, u paraŭnańni ź minułym hodam ajčynnyja brendy palepšyli svaje pakazčyki. U rejtynhu za 2024 hod karcina była inšaj: «Bulbaš'» na 127-m radku, «Stolhradnaja» zaniała 134-ju pazicyju, «Briest'-Litovsk'» — 150-je miesca, a «Svajak» staŭ 154-m u śpisie.
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»21
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
T.nz. "bieło.russkije briendy", aha..