U ZŠA apublikavali novyja listy pa spravie Džefry Epštejna, jakija dyskredytujuć Trampa
Demakraty z Kamiteta pa nahladzie Pałaty pradstaŭnikoŭ ZŠA apublikavali try novyja elektronnyja listy, datyčnyja spravy finansista i asudžanaha piedafiła Džefry Epštejna. Ź ich vynikaje, što prezident ZŠA Donald Tramp nibyta viedaŭ pra jahonyja złačynstvy.
Adzin z hetych listoŭ Epštejn adpraviŭ u lutym 2011 hoda svajoj siabroŭcy, śvieckaj ilvicy Hilejn Makśvieł.
«Ja chaču, kab ty zrazumieła, Tramp — sabaka, jaki nie zabrachaŭ. [Imia achviary] praviała niekalki hadzin u maim domie ź im», — nibyta napisaŭ u tym liście Epštejn. Makśvieł jamu adkazała: «Ja dumała pra heta…»
Dva inšyja listy adrasavanyja vydaŭcu Epštejna Majkłu Vulfu. U adnym ź ich Epštejn śćviardžaje, što Tramp, «viadoma ž, viedaŭ» pra toje, što jon i Makśvieł zavablivali ŭ prastytucyju dziaŭčat, jakija pracavali ŭ kłubie Trampa «Mar-a-Łaha».
Sam prezident ZŠA pakul nie kamientavaŭ publikacyju, adnak uvohule jon kateharyčna admaŭlaje, što viedaŭ pra złačynstvy Epštejna i byŭ źviazany ź imi.
U Biełym domie listy nazvali sprobaj ačarnić Trampa.
«Demakraty vybaračna źlili elektronnyja listy libieralnym ŚMI, kab stvaryć chłuślivuju viersiju padziej i ačarnić prezidenta Trampa», — zajaviła pres-sakratarka Biełaha doma Kerałajn Livit.
«Nienazvanaja achviara, zhadanaja ŭ hetych elektronnych listach, — heta niabožčyca Virdžynija Džufre, jakaja nieadnarazova zajaŭlała, što prezident Tramp nie byŭ uciahnuty ŭ jakija-niebudź supraćpraŭnyja dziejańni i «nie moh być bolš pryjaznym» u adnosinach da jaje padčas ich abmiežavanych znosin, — zajaviła Kerałajn Livit. — Fakt zastajecca faktam: prezident Tramp vyhnaŭ Džefry Epštejna sa svajho kłuba niekalki dziesiacihodździaŭ tamu za toje, što toj pavodziŭ siabie nieprystojna ŭ adnosinach da svaich supracoŭnic, u tym liku da Džufre.
Hetyja historyi — nie bolš čym niadobrasumlennyja sproby adciahnuć uvahu ad histaryčnych dasiahnieńniaŭ prezidenta Trampa, i luby amierykaniec, jaki maje klok, bačyć, što heta padman i vidavočnaja sproba adciahnuć uvahu ad adnaŭleńnia pracy ŭrada», — padkreśliła jana.
U toj ža čas demakraty patrabujuć raskryć usie fajły Epštejna, śćviardžajučy, što Bieły dom «chavaje detali adnosin» pamiž seksualizavanym złačyncam i Trampam.
Uletku 2025 hoda Hilejn Makśvieł kazała, što jana nikoli nie bačyła, kab Donald Tramp byŭ u domie Epštejna.
U 2011 hodzie Epštejn vyjšaŭ na volu, adbyŭšy 13 miesiacaŭ u turmie. U 2008 hodzie jon pryznaŭ vinu pa spravie ab padbuchtorvańni da prastytucyi, u tym liku ŭ dačynieńni da niepaŭnaletnich, i byŭ asudžany da 18 miesiacaŭ źniavoleńnia, jakija adsiedzieŭ nie całkam. U 2019 hodzie jaho znoŭ aryštavali, a praź miesiac jon paviesiŭsia ŭ turemnaj kamiery.
Prync Endru pierastaŭ być navat i pryncam
Žurnalist-rasśledvalnik padaŭ u sud na Miełaniju Tramp za sarvanuju ździełku pa vychadu knihi ab pieršaj ledzi ZŠA
Demakraty apublikavali zapisku Epštejnu, śćviardžajuć, što pad joj podpis Trampa
Tramp padaŭ pazoŭ na 10 młrd dalaraŭ ab paklopie suprać Merdaka z-za publikacyi ŭ Wall Street Journal pra Epštejna
Ułady ZŠA pryznali, što «śpisu klijentaŭ» Džefry Epštejna nie isnuje
Stali viadomyja padrabiaznaści taho, jak u Vjetnamie zatrymali Vieramiejčyka21
Kamientary
----
Čto miešało diemokratam raskryť eti dokumienty vo vriemia priezidientstva Bajdiena? Nieužieli učastije v epštiejnovskich orhijach elity diem partii i jeje donorov?
A byli tyja, chto nie viedaŭ pra prastytutak u kłubach?) Heta ž treba być durnym, kab heta nie razumieć. Heta jak abvinavacić čałavieka ŭ tym, što jon viedaŭ, što niekatoryja žančyny lubiać atrymlivać hrošy za seks.