Biełarusy mohuć admovicca ad niekatorych kamunalnych pasłuh i pierastać za ich płacić. Pra heta raskazała namieśnik hiendyrektara pa ideałahičnaj rabocie Minskaj haradskoj žyllovaj haspadarki Volha Drapiej, paviedamlaje karespandent ahienctva «Minsk-Naviny» sa spasyłkaj na telehram-kanał «ŽKH Minsk aficyjna».
Žyllova-kamunalnyja pasłuhi padzialajucca na asnoŭnyja i dadatkovyja. U pieršym vypadku admovicca ad atrymańnia pasłuh i ich apłaty nielha, adnak u druhim takaja mahčymaść jość.
— Kali vy nie žadajecie, kab vam akazvałasia dadatkovaja žyllova-kamunalnaja pasłuha, vy možacie nie padpisvać dahavor na jaje akazańnie, albo admovicca ad zaklučanaha dahavora. Dla admovy ad zaklučanaj damovy nieabchodna nakiravać na adras vykanaŭcy pasłuh papiaredžańnie, — źviarnuła ŭvahu V. Drapiej.
Da dadatkovych ŽKH pasłuh adnosiacca:
- ustanoŭka i (albo) techničnaje absłuhoŭvańnie zaporna-pieramoŭnych pryład;
- ustanoŭka i (albo) techničnaje absłuhoŭvańnie sistem videanazirańnia;
- arhanizacyja raboty i ŭtrymańnie vachcioraŭ;
- arenda i (albo) zamiena padłohavych supraćbrudavych dyvanovych pakryćciaŭ;
- dobraŭparadkavańnie prydamavych terytoryj elemientami azielanieńnia, dobraŭparadkavańnie i ich dalejšaje ŭtrymańnie.
Asudžany za «Hajun» da chimii brat Ihara Łosika ŭciok ź Biełarusi3
Asudžany za «Hajun» da chimii brat Ihara Łosika ŭciok ź Biełarusi
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1616
Kamientary
Łukašenkaŭskija ideołahi (u ŽKH, MNS, DAI i h.d.) pieryjadyčna dajuć prafiłaktyčnuju infarmacyju. "Naviny" paŭtarajuć niekalki raz u hod. Abaviazki ŭ ich takija.
Zamiežnyja ŚMI "Zierkało", "Naša Niva" biazdumna heta tranślujuć. A "Zierkało" moža jašče i intryhu dadać: nazva da takoha artykuła mahła b hučać "Niekatoryja katehoryi hramadzian mohuć sekanomić. Zdahadajciesia, jak".
Uvohule ideja repastoŭ bieź minimalnaha fakt-čekinhu daje absurd. Tut jašče i druhasnaść za ideołahami.