«Biełavija» nie budzie pavyšać košt kvitkoŭ u Dubaj, niahledziačy na źmienu maršrutu
Avijakampanija «Biełavija» praciahvaje lotać u Dubaj, niahledziačy na toje, što maršrut ciapier źmienieny i patrabuje ablotu patencyjna niebiaśpiečnych terytoryj. Tym nie mienš, niahledziačy na dadatkovyja vydatki, «Biełavija» abiacaje nie pavyšać ceny na kvitki.
Samaloty «Biełavija» ciapier robiać techničny prypynak u Taškiencie dla zapraŭki, tamu ŭsia daroha zajmaje 9 hadzin 30 chvilin. Z pryčyny hetych źmianieńniaŭ karektujecca i raskład rejsaŭ, pra što paviedamili pasažyram i turystyčnym apierataram.
Tym nie mienš, niahledziačy na dadatkovyja vydatki, «Biełavija» abiacaje nie pavyšać ceny na kvitki. U kampanii padkreślivajuć, što praciahvajuć vykonvać svaje abaviazki pierad pasažyrami i kłapociacca pra ich biaśpieku i kamfort.
Najbližejšy rejs ź Minska ŭ Dubaj pryznačany na aŭtorak, 17 červienia, adlot — u 04:25 ranicy. Vylet z Dubaja — u 16:10 pa miascovym časie. Na hety rejs ź Minska zarehistravanyja 179 pasažyraŭ, a zvarotny rejs z Dubaja zapoŭnieny na 100% — 189 čałaviek.
Darečy, što bolš za 30 biełarusaŭ źviarnulisia ŭ hienkonsulstva ŭ Dubai z prośbaj dapamahčy viarnucca dadomu, ale MZS nie ličyć situacyju krytyčnaj.
Ciapier čytajuć
«Arabski šejch zasunuŭ dalary ŭ kišeniu». Błohier Vadimati Jermašuk ciapier pracuje achoŭnikam luksavych bucikoŭ5
Kamientary