U Homieli zakryli zabiahałaŭku pradprymalnika-łukašysta i źniščyli jaho płakat sa Stalinym
Vital Drabyšeŭski ślozna prosić Łukašenku vyratavać jahony biznes, ale miascovyja ŭłady ŭžo razabrali jaho paviljon i zabrali skandalny baner.
Vital Drabyšeŭski — aktyvist hramadskaha abjadnańnia «Patryjoty Biełarusi», stvoranaha ŭ śniežni 2020 hoda dla padtrymki Alaksandra Łukašenki. Jon nie škaduje bienzinu dla ŭdziełu ŭ praŭładnych aŭtaprabiehach, a taksama burna apładziruje kožnamu, chto kaža: «Łukašenka — heta moc śvietu». Navat u svaim instahramie Drabyšeŭski zrabiŭ padborku cytat ulubionaha palityka.
Ale adbyłasia strašennaja pamyłka. Jak tłumačyć Vital u videazvarocie da Łukašenki, jaho kafe «pa-bandycku źniščana» ŭładami Homiela.
Reč u tym, što ŭ Drabyšeŭskaha była kropka kala Centralnaha rynka — kafe «Pinta». Pa sutnaści heta prosta namiot z nadpisam «Rečyckaje» i niekalki stolikaŭ pobač. Zhodna z dakumientacyjaj — «lohkatypny handlovy paviljon». Miesca nie pafasnaje, ale, jak kaža pradprymalnik, prynosiła jamu prybytak.
Pieršy skandał vakoł zabiahałaŭki Vitala razhareŭsia jašče ŭ 2023 hodzie. Tady «Fłahštok» źviarnuŭ uvahu na toje, što haspadar pryčapiŭ da jaje baner pamieram 6 na 3 mietry z vyjavaj Stalina. Praŭda, dazvołu na raźmiaščeńnie jamu nichto nie davaŭ. Ale pakul miascovyja čynoŭniki šukali kancy, homielskija kamunisty ładzili na fonie Stalina impravizavanyja fotasesii. Naprykancy leta nielehalny baner usio ž źnik.
Nasamreč, los u Stalina na banery byŭ dramatyčnym. Ludzi z Homiela raskazali, što spačatku niechta padpaliŭ tvar dyktatara. Potym niejak nočču banier tajemna źnik. Razzłavany Vital źviartaŭsia pa dapamohu ŭ milicyju, ale tam ničoha rabić nie stali. U vyniku praz skandał mužčyna ŭsio ž zmoh zabrać sapsavanuju majomaść u harvykankamie.
U vyniku čynoŭniki vyrašyli vyhnać nadakučlivaha stalinista, ale zrabić usio pa zakonie.
U sacsietkach Drabyšeŭskaha možna pabačyć jaho pierapisku z čynoŭnikami. Kali koratka, historyja vyhladaje tak. Pradprymalnik mieŭ damovu na arendu ziamli pad paviljon z 27 sakavika 2014 da 25 červienia 2024 hoda. Letaś jon źviarnuŭsia z prośbaj praciahnuć damovu arendy, ale čynoŭniki dazvolili jamu papracavać jašče tolki miesiac.
Aficyjna Homielski harvykankam tłumačyŭ svajo rašeńnie tak: hetaje miesca patrebna dla pašyreńnia terytoryi dobraŭparadkavańnia rynku.
Adnak Drabyšeŭski pierakanany, što sapraŭdnaj pryčynaj staŭ jaho baner sa Stalinym, jaki razdražniaŭ čynoŭnikaŭ.
Darečy, Minhandlu dachodliva tłumačyła pradprymalniku, što jaho palityčny baner nielha ličyć kamiercyjnaj rekłamaj, bo rekłama — heta toje, što dapamahaje pradać tavar ci pasłuhu. A Stalin nie maje da jaho zabiahałaŭki nijakaha dačynieńnia.
Drabyšeŭski źviartaŭsia i da haradskich uładaŭ, i ŭ administracyju Łukašenki. I ŭsio biez asablivaha pośpiechu. A ŭčora kala jaho paviljona, dzie visieŭ baner, źjavilisia rabočyja, jakija demantavali ŭsio — i namiot, i Stalina.
«U hod 80-hodździa pieramohi nad niamiecka-fašysckimi zachopnikami hetyja ludzi zryvali partret Iosifa Visaryjonaviča Stalina. Hetyja ludzi razhramili pa-bandycku pracoŭnyja miescy dla našych suhramadzian», — pieražyvaŭ Drabyšeŭski, zapisvajučy videa svajho fijaska.
Za tym, što adbyvałasia, nazirali niekalki milicyjanieraŭ. Pradprymalnik pasprabavaŭ zaklikać da ich sumleńnia, ale mužčyny ŭ formie tolki zapatrabavali pierastać ich zdymać.
Drabyšeŭski ličyć, što jaho kafe źniščyli dziela troch parkovačnych miescaŭ. Ciapier prosić Łukašenku abaranić jaho ad svavolstva homielskich čynoŭnikaŭ.
Za «patryjota Biełarusi» ŭžo ŭstupiłasia danosčyca i prarasijskaja aktyvistka Volha Bondarava. Ale ž uličvajučy toj fakt, što jana ŭžo taksama traplała za kraty praz palityku, składana skazać, dapamoža heta Drabyšeŭskamu ci naadvarot.
«Patryjotka Biełarusi» znajšła pryčynu taho, što ŭ krainie šmat ciažkachvorych dziaciej. Heta hiendar-paci
«Advažna vyjšli na pieradavuju»: jak «Patryjoty Biełarusi» vučać školnikaŭ lubić krainu
Homielskaha kamunista zatrymali za padpisku na «ekstremisckija» resursy — ciapier jon jeździć pa kałhasnych palach
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary