Salihorski «Šachcior» byŭ biełaruskim top-kłubam, ale jaho zahubili damoŭnyja matčy i sumnieŭnyja asoby.
Futbolny salihorski «Šachcior» padaŭ na bankructva. Praceduru zapuścili 11 červienia.
«Šachcior» byŭ adnym z asnoŭnych top-kłubaŭ biełaruskaha futboła. Jon trojčy vyjhravaŭ čempijanat krainy (2005, 2020, 2021), stolki ž razoŭ pieramahaŭ u Kubku Biełarusi (2004, 2014, 2019), dvojčy braŭ Supierkubak (2021, 2023). Harniaki šeść razoŭ stanavilisia siarebranymi pryziorami čempijanatu i vosiem razoŭ bronzavymi.
Ale ŭ minułym siezonie «Šachcior» upieršyniu ŭ historyi vylecieŭ z vyšejšaj lihi. Jaho zahubiła hučnaja sprava ab damoŭnych matčach.
U 2022 hodzie salihorcy vyjhrali čaćviorty čempijonski tytuł. Adnak paźniej vyśvietliłasia, što kiraŭnictva kłuba finansava stymulavała inšyja kamandy pierad matčami z pramymi kankurentami «Šachciora», a taksama prapanoŭvała arhanizavać niekalki damoŭnych matčaŭ.
U vyniku «Šachcior» byŭ pazbaŭleny čempijonstva i aštrafavany. Taksama kłub pazbavili 30 bałaŭ na starcie siezona-2023 i 20 bałaŭ u siezonie-2024. Kamandu pakinuli bolšaść viadučych hulcoŭ. Minuły čempijanat harniaki skončyli na apošnim miescy z dvuma bałami (heta z ulikam štrafu ŭ -20).
Paralelna siłaviki rasśledavali machlarskuju schiemu, jakuju arhanizavaŭ u kłubie rasijski ahient Jaŭhien Kułtajeŭ-starejšy. U vyniku eks-dyrektar «Šachciora» Alaksandr Marčanka atrymali šeść hadoŭ kałonii, a hałoŭny arhanizatar na łavu padsudnych nie trapiŭ.
Zajaŭlacca ŭ pieršuju lihu-2025 «Šachcior» nie staŭ. Kłub vyrašyli rasfarmiravać, jon navat staŭ raspradavać spartyŭnuju formu. Futboł u Salihorsku čakaje pierazahruzka.
Ciapier čytajuć
Na vulicy Matusieviča ŭ Minsku pobač ź dziciačym sadkom upaŭ bieśpiłotnik11
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje33
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje3
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1111
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć11
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
Kamientary