Nacyjanalnaja raźviedvalnaja słužba Arhienciny (SIDE) vyjaviła hrupu rasijan, jakija zajmalisia stvareńniem sietki ŭpłyvu ŭ intaresach Maskvy. Pra heta paviedamiŭ pradstaŭnik administracyi prezidenta Arhienciny Manuel Adorni, piša The Moscow Times.
Pavodle jaho słoŭ, idzie havorka pra metanakiravanuju pracu pa farmiravańni «hrupy hramadzian, łajalnych intaresam Rasii». Asnoŭnaj zadačaj jačejki było praviadzieńnie kampanij pa dezinfarmacyi i ŭpłyvie, nakiravanych suprać arhiencinskaj dziaržavy. Siarod inšaha, udzielniki hrupy zajmalisia stvareńniem i raspaŭsiudžvańniem kantentu ŭ sacyjalnych sietkach, a taksama sprabavali ŭpłyvać na dziejnaść miascovych hramadzianskich arhanizacyj, fondaŭ i niedziaržaŭnych struktur.
U hetaj schiemie, jak śćviardžajuć arhiencinskija śpiecsłužby, udzielničaŭ hramadzianin Rasii Leŭ Kanstancinavič Andrašvili, jaki pražyvaje ŭ Arhiencinie. Jon adkazvaŭ za finansavańnie sietki i ŭstalavańnie suviaziaŭ ź miascovymi aktyvistami. Jaho paplečnicaj vystupała jahonaja žonka, Iryna Jakavienka, taksama hramadzianka Rasii i rezident Arhienciny. Siarod inšych fihur u hetaj spravie zhadvajecca Jaŭhien Bryhozin, jaki pamior u žniŭni 2023 hoda. Pavodle viersii ŭładaŭ, vykrytyja rasijanie mahli być źviazanyja sa strukturami, što naležali Jaŭhienu Pryhožynu.
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje88
Kamientary