Praŭładny analityk Špakoŭski sprabuje patłumačyć, što chacieŭ Łukašenka ad ZŠA
«Padziei, jakija adbylisia, varta ŭsprymać absalutna spakojna».
Praŭładny analityk Alaksandr Špakoŭski vykazaŭsia nakont vyzvaleńnia 14 palitviaźniaŭ, jakoje adbyłosia ŭ vyniku vizitu ŭ Minsk śpiecpradstaŭnika prezidenta ZŠA Donalda Trampa Kita Kiełoha.
«Padziei, jakija adbylisia, varta ŭsprymać absalutna spakojna. Kantakty roznaha ŭzroŭniu ažyćciaŭlalisia dosyć daŭno, ciapier hramadstva bačyć ich publičnyja vyniki», — vystupiŭ u telehram-kanale Špakoŭski.
Što ad vyzvaleńnia palitviaźniaŭ i pieradačy ich amierykancam atrymaŭ Łukašenka, praŭładny analityk apisvaje abstraktna:
«Biełaruski bok taksama maje šerah metaŭ całkam prahmatyčnaha charaktaru, jakija pavinny być dasiahnutyja z pryčyny pieramovaŭ z ZŠA. Akramia taho, jość jašče ŭkrainskaja prablematyka, dzie, vidavočna, pavinny być uličanyja biełaruskija intaresy ŭ ramkach patencyjnaha kampramisu.
Pry hetym u Minsku razumiejuć, što ŭ Vašynhtona jość doŭhaterminovyja palityčnyja ambicyi, u tym liku na kirunku našaj krainy. Nie žadajučy kanfrantacyi z Zachadam i ŭ pryvatnaści z ZŠA, Biełaruś tym nie mienš ni na jotu nie maje namieru pastupacca suvierenitetam u halinie ŭnutranaj palityki i mižnarodnymi abaviazacielstvami ŭ dačynieńni da sajuźnikaŭ Minska».
Svaich paplečnikaŭ, jakija bajacca vychadu praciŭnikaŭ režymu na volu, Špakoŭski supakojvaje:
«Kali naša hramadstva sapraŭdy źjaŭlajecca zhurtavanym, arhanizavanym, idejnym, patryjatyčnyja ŚMI nakiroŭvajuć infarmacyjny paradak dnia, a pravaachoŭny błok efiektyŭna abaraniaje biaśpieku dziaržavy, to my navat nie zaŭvažym kamarynych ukusaŭ ad čarhovych «źbiehłych», jakija papoŭnili sonm złaślivych palityčnych emihrantaŭ».
Ciapier čytajuć
Cichanoŭski — biełarusam: «Kali vy čakali znak, to voś jon». Prachodzić pres-kanfierencyja z vyzvalenymi palitviaźniami2
Cichanoŭski — biełarusam: «Kali vy čakali znak, to voś jon». Prachodzić pres-kanfierencyja z vyzvalenymi palitviaźniami
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary