Biełaruskija studenckija atrady znoŭ udzielničajuć u rasijskich prajektach. Tak, hrupa z Mahilova (20 čałaviek ź Biełaruska-Rasijskaha ŭniviersiteta) užo nakiravałasia ŭ Sibir, dzie studenty buduć pracavać na «małym BAMie» — učastku abjaznoha šlachu vakoł Irkucka, piša Mayday.team.
Usiaho čakajecca, što na Bajkała-Amurskaj mahistrali budzie zadziejničana kala 50 biełaruskich studentaŭ. Jany prajšli surjozny adbor pierad pajezdkaj.
Taksama studencki atrad «Fieniks» ź Viciebska ŭžo niekalki hadoŭ dapamahaje ŭ rasijskim dziciačym centry «Arlania» u Krasnadarskim krai. Raniej dziaŭčaty pracavali važatymi ŭ łahiery «Kamsamolski», ale sioleta ich pieranakiravali ŭ łahier «Junarmiejec» — heta pałatkavy łahier z vajskovaj strukturaj i elemientami prapahandy vajny va Ukrainie.
U «Junarmiejcy» dzieci žyvuć u vajskovych pałatkach, nosiać formu, trenirujucca fizična, stralajuć ź pnieŭmatyčnaj zbroi, znajomiacca z vajskovaj technikaj, u tym liku hranatamiotami. Biełaruskija studentki buduć dapamahać u arhanizacyi takich zaniatkaŭ.
U hety ž čas rasijskija studenty ŭdzielničajuć u studenckich prahramach u biełaruskim łahiery «Zubrania».
Ciapier čytajuć
Čamu ŭ biełaruskaj turmie tak mocna chudziejuć? Tłumačym11
Kamientary