Hramadstva33

«Za dzieviać dzion nivodnaj cełaj kanapy, smurod strašenny». Minčanka pra toje, jak nielha vybirać kvatarantaŭ

Svaim sumnym dośviedam uzajemadziejańnia z kvatarantam padzialiłasia minčanka Kaciaryna.

Ilustracyjnaje fota Onliner.by

Jana razam z mužam vyrašyła zdać trochpakajovuju kvateru kala mietro ŭsiaho za 800 rubloŭ. Ale toje, što było dalej, prymusiła paru zabyć pra arendu jak pra strašny son. Zaraz jany buduć rabić u kvatery ramont i vystaŭlać jaje na prodaž.

Historyju dziaŭčyna raźmiaściła na forumie Onlíner, a taksama ŭ sacyjalnaj sietcy Threads. Usio pačynałasia zvyčajna:

— Znajšli kvataranta 1996 hoda naradžeńnia. Heta byŭ siabar papiaredniaha kvataranta, ź jakim nikoli nie było prablem. Pajšli nasustrač čałavieku, zasialili raniej, a pa apłatu damovilisia pryjści praz paru dzion. Paśla skančeńnia terminu novaśpiečany kvatarant pastajanna kazaŭ pra zaŭtra, što musić pryjechać niejki siabar, pryvieźci hrošaj, ale, naturalna, nijakaha siabra my nie dačakalisia. I hrošaj taksama.

Stała zrazumieła, što niesumlennaha žylca treba vysialać:

— Paprasili jaho na vychad — pa-ludsku dali try dni, kab znajści žytło. Patłumaču: faktary ŭ žyćci byvajuć roznyja, u luboj situacyi treba zastavacca čałaviekam. Nam chaciełasia vieryć, što ŭ čałavieka prosta nie atrymlivajecca znajści hrošy i žytło — takaja čornaja pałasa. Ale čamuści dabryniu ŭsprymajuć jak słabaść.

Čałaviek akupavaŭ kvateru, nie viartaŭ klučy, uładkavaŭ skład svaich rečaŭ i kožny raz, kali my pryjazdžali, kazaŭ, što jaho niama doma.

Staralisia abyścisia bieź milicyi, ale ciarpieńnie łopnuła na dziaviaty dzień, kali čałaviek abiacaŭ vysialicca a 7 ranicy i addać klučy. Ale ŭ vyniku skazaŭ, što praspaŭ. Pieradamovilisia na 11 ranicy. Potym, naturalna, pačałasia staraja schiema — «Davajcie na zaŭtra pieraniasiem». Ni prabačcie, ni kali łaska. Zvaliŭ z kvatery, pakinuŭšy kuču rečaŭ i paviedamleńnie: «Pakinuŭ troški rečaŭ, zabiaru zaŭtra, źviazku klučoŭ straciŭ».

Vyklikali milicyju, napisali zajavu, papiaredzili, što jedziem z učastkovym. Paśla hetaha jon spałochaŭsia i paprasiŭ dźvie hadziny, kab vyvieźci rečy.

Pa infarmacyi Kaciaryny, žylcu spatrebiłasia krychu bolš za tydzień, kab zaśmiecić kvateru da niepaznavalnaści.

— Tak, naša kvatera maje a-la babulin ramont, ale jana całkam z meblaj i technikaj. Trochpakajovaja, prosta kala mietro. Zdavali my jaje ŭsiaho za 800 rubloŭ! Pierad zasialeńniem byŭ klininh. I što ciapier?

Nivodnaj cełaj kanapy, smurod strašenny, u vannu i prybiralniu lepš uvohule nie zachodzić. Pry adkryćci chaładzilnika muchi pamirali na padlocie! I ŭsio heta za 9 dzion.

Dziaŭčyna adznačaje: kvatera ciapier pojdzie pad poŭny demantaž dla budučaha ramontu. Potym jaje vystaviać na prodaž. Zdavać žytło para bolš nie płanuje.

Kamientary3

  • Čornaja navała?A nie, naš evropiejec
    25.06.2025
    Vostočnyj niemiec
  • a.hto.tam.idze
    26.06.2025
    Čornaja navała?A nie, naš evropiejec,
    Biez znaka jakaści
  • Sierhiej.
    26.06.2025
    a.hto.tam.idze, Dołhije hody iz za maleńkoj piensii po zdorov́ju zdavał koomnatu. Takich vašich našich połno. Nužno nie otletyvať ot surovoj žiźniennoj riealnosti nie narcistirpovaiť na priekrasnoje niekoje vsieja biejełaruskoje. A v opozicionnych kruhaj jeŝie mnoho očarovannych. Nie vsie no mnoho.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Z Oz.by niespakojna. Biełaruskaja kampanija try hady ŭ minusie, a rasijski kankurent jaje vyciskaje

Z Oz.by niespakojna. Biełaruskaja kampanija try hady ŭ minusie, a rasijski kankurent jaje vyciskaje

Usie naviny →
Usie naviny

Maładuju biblijatekarku z Horak asudzili za pratesty4

Dziaŭčyna chacieła arandavać u Minsku stylnuju dvuchpakajoŭku za $380, ale zapadozryła niadobraje

Piać hučnych dykpik-skandałaŭ apošnich hadoŭ12

«Pakul pašpart dziejničaje». Emihranty pra toje, ci nie strašna im adpraŭlać u Biełaruś dziaciej na letnija kanikuły1

Žychary rajcentra ŭ Viciebskaj vobłaści hadami skardziacca na drennuju vadu

Rasija naroščvaje vytvorčaść «šachiedaŭ» i nieŭzabavie zmoža zapuścić 2000 za adnu noč11

U Italii 78-hadovy mužčyna «ažyŭ» praz 30 chvilin paśla spynieńnia serca4

U Ciumienskaj vobłaści «hieroj SVA» zabiŭ svaju žonku ŭ dzień viasiella11

«Chacieŭ vyratavać chacia b niejkuju kolkaść ludziej». Dačka biełarusa, zatrymanaha pa spravie «Biełaruskaha Hajuna», raskazała pra baćku6

bolš čytanych navin
bolš łajkanych navin

Z Oz.by niespakojna. Biełaruskaja kampanija try hady ŭ minusie, a rasijski kankurent jaje vyciskaje

Z Oz.by niespakojna. Biełaruskaja kampanija try hady ŭ minusie, a rasijski kankurent jaje vyciskaje

Hałoŭnaje
Usie naviny →

Zaŭvaha:

 

 

 

 

Zakryć Paviedamić