Małady, ale vopytny słucki barsietačnik stamiŭsia žyć doma pa zakonie — pajechaŭ vajavać za Rasiju i źnik u šturmie
Uładzimir Jamiec — z tych ludziej, jakija viečna žyvuć pad uvahaj orhanaŭ. Hety 29-hadovy recydyvist ź vioski Jačava pad Słuckam pačaŭ čyścić mašyny jašče nieŭpaŭnaletnim. Braŭ usio, što brałasia, navat šaścihrańniki — takich na błatnym žarhonie nazyvajuć barsietačnikami. Umudryŭsia sieści navat za parušeńnie previentyŭnaha nahladu. Ciapier jaho cieła šukaje siastra.
U sacyjalnych sietkach źjaviŭsia zvarot biełaruski Viktoryi, jakaja nazyvaje siabie siastroj bieź viestak źnikłaha rasijskaha bajca Uładzimira Jamca.
Jana raskazvaje, što jaje brat apošnija dva hady žyŭ u horadzie Niavinnamysk u Staŭrapalskim krai Rasii.
Heta ničym nie admietny, šarahovy horad u pieradhorji Kaŭkaza, udvaja bolšy za Słuck. Tudy časam zalatajuć ukrainskija bieśpiłotniki, a letaś troje kaŭkazcaŭ zašturchali nahami ŭ miascovym bary vieterana «SVA», jaki pierasoŭvaŭsia na mylicach.
«3 lutaha 2025 hoda Uładzimir padpisaŭ kantrakt [z rasijskaj armijaj]. Viedaju, što pazyŭny «Bulbaš». 22 ci 23 červienia vyjšaŭ na bajavoje zadańnie. Z 24 [červienia] nie vychodziŭ na suviaź. Ličycca bieź viestak źnikłym. Dapamažycie, kali łaska, znajści», — prosić Viktoryja.
Pa pazyŭnym stanovicca jasna, što Jamiec maje dačynieńnie da Biełarusi. I heta tak. Zhodna ź infarmacyjaj z bazy «Biełpoła», Uładzimir Jamiec — heta ŭradženiec vioski Jačava z-pad Słucka. Jon kryminalnik, jakoha nie raz sudzili za kradziažy z mašyn.
Pačynajučy z 2014 hoda, Jamiec nie vyłaziŭ z kałonij.
Pieršuju svaju mašynu jon z padzielnikami adpracavaŭ jašče ŭ 2012 hodzie, kali jamu było 17. Tady sud abmiežavaŭsia ŭmoŭnym terminam.
Uładzimir skončyŭ PTV, uładkavaŭsia ślesaram u Słuckuju ŽKH. Ale ŭ 2014 usio ž sieŭ pa-sapraŭdnamu — za toje ž samaje. Jamcu dali try z pałovaj hady kałonii.
U 2017-m vyzvaliŭsia i atrymaŭ previentyŭny nahlad, ale naplavaŭ na heta i raskatvaŭ pa krainie. U vyniku paśla pary administratyvak atrymaŭ kryminałku za nievykanańnie režymu i znoŭ pajechaŭ u kałoniju.
Jak Jamiec apynuŭsia ŭ Staŭrapalskim krai, nieviadoma. Čym zajmaŭsia — taksama.
Pa słovach siastry, vajavaŭ jon u 1-j hvardziejskaj motastrałkovaj bryhadzie (v/č 41680).
U internecie poŭna zvarotaŭ svajakoŭ, jakija šukajuć infarmacyju pra svaich rodnych, jakija vajavali ŭ toj ža bryhadzie.
Hetaja čaść vajuje na Pakroŭskim kirunku — miescy bieśpierapynnych miasnych šturmaŭ, u jakich ukrainskija bieśpiłotniki i artyleryja štodnia sotniami vykašvajuć rasijskich sałdat. Svaich paranienych ruskija adtul nie zabirajuć.
Historyja Jamca nahadvaje historyju inšaha maładoha biełaruskaha kryminalnika Ihara Sakałoŭskaha, jakomu paščaściła nie zahinuć, a zdacca ŭ pałon.
Niadaŭna jon raskazaŭ ukraincam pra toje, jak padpisaŭ kantrakt, kab nie być departavanym u Biełaruś, a potym byŭ da nitki ababrany ŭ rasijskim vojsku. Paśla čaho jaho, narešcie, adpravili na zaboj.
Čytajcie taksama: Małady biełaruski kryminalnik trapiŭ na vajnu, zdaŭsia ŭkraincam i krasamoŭna apisaŭ paradki ŭ rasijskaj armii
Polšča pryznała Alaksandra Mašenskaha niepažadanaj asobaj27
Kamientary