Paŭdniovaja Kareja raźbiraje na miažy hučnahavarycieli, nakiravanyja na KNDR
Hučnahavarycieli tranślavali K-pop i naviny z krytykaj režymu Kima Čen Yna.
Paŭdniovakarejskija vajskoŭcy pačali razborku prapahandysckich hučnahavarycielaŭ uzdoŭž karejskaj miažy ŭ čarhovym žeście zbližeńnia z Paŭnočnaj Karejaj, piša Times of Korea
Ministerstva nacyjanalnaj abarony paviedamiła ŭ paniadziełak ranicaj, što apieracyja pačałasia raniej u hety ž dzień i, jak čakajecca, budzie zavieršana ciaham hetaha tydnia.
«Heta praktyčnaja miera, nakiravanaja na źmiakčeńnie napružanaści pamiž dźviuma Karejami, i jana ažyćciaŭlajecca ŭ miežach, jakija nie ŭpłyvajuć na bajavuju hatoŭnaść našych Uzbrojenych Sił», — havorycca ŭ zajavie ministerstva.
Hučnahavarycieli, praź jakija tranślavali K-pop i naviny z krytykaj režymu Kima Čen Yna, spynili dziejnaść paśla inaŭhuracyi prezidenta Li Dže Miona 4 červienia.
Apieracyja pa razborcy achoplivaje ŭsie 20 stacyjanarnych hučnahavarycielaŭ, i jaje zaviaršeńnie čakajecca na praciahu dvuch-troch dzion. Prykładna 10 mabilnych hučnahavarycielaŭ byli ŭžo vyviedzieny ŭ červieni, kali viaščańnie było prypyniena.
Na pytańnie, ci śviedčyć razborka pra toje, što varyjant vykarystańnia hučnahavarycielaŭ ciapier całkam źniaty z paradku dnia jak adkaz na mahčymyja pravakacyi z boku Paŭnočnaj Karei, takija jak zapuski rakiet ci zapuski pavietranych šarykaŭ sa śmiećciem, namieśnik pres-sakratara Minabarony Paŭdniovaj Karei Li Kion Cho admoviŭsia kamientavać.
«Ja nie dumaju, što ciapier darečy rabić zaŭčasnyja acenki. Što ja mahu skazać — heta toje, što našy Uzbrojenyja Siły zaŭsiody padtrymlivajuć vysoki ŭzrovień bajavoj hatoŭnaści», — adznačyŭ jon.
Pavodle ministerstva, apieracyja nie kaardynavałasia zahadzia z Paŭnočnaj Karejaj.
Kamientary