10 lipienia 2025 hoda ŭ Kuała-Łumpury (Małajzija) adbyłasia sustreča dziaržaŭnaha sakratara ZŠA Marka Rubio ź ministram zamiežnych spraŭ Rasii Siarhiejem Łaŭrovym, piša Reuters. Pieramovy prachodzili na palach mierapryjemstvaŭ ASIEAN i doŭžylisia kala 50 chvilin.
Pavodle rasijskaha MZS, padčas sustrečy baki abmierkavali šyrokaje koła pytańniaŭ — ad dvuchbakovych adnosin da mižnarodnych kanfliktaŭ. U tym liku išła havorka pra situacyju vakoł Ukrainy, Irana i Siryi. Było padkreślena žadańnie adnavić supracoŭnictva pamiž Rasijaj i ZŠA ŭ ekanamičnaj i humanitarnaj śfierach, a taksama pra mahčymaść uznaŭleńnia pramych avijarejsaŭ i narmalizacyi pracy dypmisij.
U svaju čarhu, Marka Rubia zajaviŭ, što prezident ZŠA Donald Tramp niezadavoleny pazicyjaj Rasii ŭ pytańni ŭkrainskaha kanfliktu. ZŠA čakajuć ad Maskvy bolš vyraznych sihnałaŭ pra hatoŭnaść vieści kanstruktyŭny dyjałoh.
Pa słovach Rubia, baki abmianialisia idejami i zaŭvahami, jakija jon pieradaść u Vašynhton. Sustreča była, na jahonuju dumku, ščyraj i važnaj. Hałoŭnaj temaj stała vajna va Ukrainie, choć zakranalisia i inšyja pytańni.
Kamientary