U Litvie raskazali, čamu nie źbivali dron, jaki zalacieŭ da ich ź Biełarusi
U čaćvier z terytoryi Biełarusi ŭ pavietranuju prastoru Litvy zalacieŭ samarobny latalny aparat. Pa słovach pradstaŭnikoŭ litoŭskaj armii i pamiežnaj słužby, jon nie ŭjaŭlaŭ pahrozy dla nasielnictva, ale ciapier adnosna jaho praciahvajecca rasśledavańnie, piša LRT.
Ministarka abarony Litvy Davile Šakalenie zajaviła, što aparat byŭ vyznačany jak bieśpiłotnik typu «Hierbiera». Dakładnaja meta jaho zapusku pakul nieviadomaja, ale niama dokazaŭ, što jaho śpiecyjalna nakiravali ŭ Litvu. Pavodle papiarednich danych, jon byŭ zrobleny ź pienapłastu, faniery i drotu.
Major litoŭskaj armii Hintaŭtas Ciunis adznačyŭ, što dron znachodziŭsia ŭ pavietry Litvy kala troch chvilin, lacieŭ na vyšyni prykładna 100 mietraŭ z chutkaściu 50—60 km/h i ŭ vyniku ŭpaŭ na ziamlu.
U vypadku vajny taki abjekt byŭ by nieadkładna źbity z dapamohaj vajskovaj techniki, ale pakolki ciapier mirny čas, to prymianiajucca inšyja pracedury — situacyja aceńvajecca praz analiz, raźvieddanyja i prostuju armiejskuju łohiku.
Taksama paviedamlajecca, što raniej padobnyja samarobnyja aparaty vykarystoŭvalisia kantrabandystami, ale heta pieršy taki vypadak u hetym kankretnym pamiežnym rajonie.
U litoŭskaj armii taksama paćvierdzili, što na momant incydentu była addadziena kamanda padniać u pavietra źniščalniki misii NATA, ale paśla taho, jak dron upaŭ, apieracyju skasavali.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii8
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie3838
Kamientary
[Zredahavana]