U Navahrudku padpisali damovu ab stvareńni Biełaruskaha muzieja Chałakostu
Padpisana pahadnieńnie ab stvareńni pieršaha muzieja Chałakostu ŭ Biełarusi. Biełaruski muziej Chałakostu i supracivu budzie raźmieščany ŭ Navahrudku, dzie padčas nacysckaj akupacyi byli zabityja 11 000 jaŭrejaŭ, piša «Radyjo Svaboda».
Muziejnaja ŭstanova ŭ Navahrudku ŭšanuje pamiać 11 000 jaŭrejaŭ — achviar nacysckich raspraŭ, i 250 viaźniaŭ hieta, jakija prakapali sabie šlach da svabody.
Pahadnieńnie 10 lipienia 2025 hoda padpisali Iudziejskaje relihijnaje abjadnańnie ŭ Respublicy Biełaruś, Biełaruski fond miru i Navahrudski rajonny vykanaŭčy kamitet.
U Navahrudku adbyŭsia nadzvyčajny akt jaŭrejskaha supracivu. 26 vieraśnia 1943 hoda 250 viaźniaŭ ździejśnili najbolš maštabnyja ŭ akupavanaj nacystami Jeŭropie dakumientavanyja ŭcioki z hieta, tajemna vykapaŭšy za piać miesiacaŭ 250-mietrovy tunel.
Mnohija ŭciekačy dałučylisia da partyzanskaha atrada Tuve Bielskaha — adzinaha całkam jaŭrejskaha partyzanskaha atrada ŭ Biełarusi, jaki vioŭ ź lasnoha łahiera ŭ Nalibockaj puščy baraćbu z nacystami i vyratavaŭ bolš za 1200 jaŭrejaŭ.
Viadoma, što muziej buduć stvarać na terytoryi byłoha jaŭrejskaha hieta ŭ Navahrudku, pobač ź ciapierašnim Muziejem jaŭrejskaha supracivu ŭ histaryčnych budynkach. Pra čas adkryćcia pakul nie paviedamlajuć.
Biełaruś — nie ŭskraina, a centr jeŭrapiejskaj historyi, śćviardžaje historyk Cimaci Snajder
CRU praviarała viersiju pra ŭcioki Hitlera ŭ Paŭdniovuju Amieryku praz 10 hadoŭ paśla jaho śmierci
U Buchienvaldzie prajšła cyrymonija ŭ honar 80-hodździa vyzvaleńnia — bieź biełaruskich i rasijskich dypłamataŭ
Urad Arhienciny rassakrecić dakumienty pra nacystaŭ, jakija chavalisia ŭ krainie paśla Druhoj suśvietnaj vajny
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja38
Kamientary
«…Braty maje, mužyki rodnyja. Z-pad šybienicy maskoŭskaj prychodzić mnie da vas pisaci, i, moža, raz astatni. Horka pakinuć ziamielku rodnuju i ciabie, darahi moj narodzie. Hrudzi zastohnuć, zabalić serca, — no nie žal zhinuć za tvaju praŭdu… Niama š, bratki, bolšaha ščaścia na hetym śviecie, jak kali čałaviek u hałavie maje rozum i nauku… No jak dzień z nočču nie chodzić razam, tak nie idzie razam nauka praŭdziva ź niavolaj maskoŭskaj. Dapokul jana ŭ nas budzie, u nas ničoha nie budzie, nie budzie praŭdy, bahactva i nijakaj nauki, — adno nami, jak skacinaj, varočać buduć nie dla dabra, no na pahibiel našu… Bo ja tabie z-pad šybienicy kažu, Narodzie, što tahdy tolki zažyvieš ščaśliva, kali nad taboju Maskala ŭže nie budzie.
Tvoj słuha
Jaśka-haspadar z-pad Vilni»