U Ńju-Jorku mužčynu zaciahnuła ŭ aparat MRT z-za mietaličnaha łancužka na šyi. Jon zahinuŭ
U miedycynskim centry ŭ Viestbiery, raźmieščanym u štacie Ńju-Jork, 61-hadovaha mužčynu zaciahnuła ŭ aparat mahnitna-rezanansnaj tamahrafii (MRT), piša CBS News. Heta adbyłosia dniom 16 lipienia.

61-hadovy mužčyna ŭ momant zdareńnia znachodziŭsia ŭ pamiaškańni z tamohrafam, kudy jon uvajšoŭ biez dazvołu ŭ momant praviadzieńnia skanavańnia.
U paciarpiełaha na šyi byŭ vialiki mietaličny łancužok. Kali mužčyna apynuŭsia ŭ kabiniecie, mašyna naciahnuła łancuh, a zatym zasmaktała samoha čałavieka ŭsiaredzinu.
Paciarpiełaha dastavili ŭ balnicu ŭ krytyčnym stanie, adnak nieŭzabavie jon pamior ad atrymanych traŭmaŭ.
Pavodle danych ŚMI, zahinuły nie byŭ pacyjentam i znachodziŭsia ŭ balnicy z kimści inšym. U mužčyny paśla zdareńnia dyjahnastavali sardečnuju niedastatkovaść.
Pa słovach vidavočcy, mužčyna parušyŭ zabaronu ŭvachodzić u pałatu, pačuŭšy kryki svajho svajaka, jakomu ŭ hety momant pravodzili tamahrafiju.
Kamientary