Hramadstva88

Va ŭkrainski pałon trapiŭ 58-hadovy biełarus, što vajavaŭ na baku Rasii

Jon napiŭsia i pajšoŭ u vajenkamat, u toj ža dzień jaho pryzvali.

Va ŭkrainski pałon trapiŭ jašče adzin hramadzianin Biełarusi — 58-hadovy Vadzim Zajkoŭski z Homiela, jaki padpisaŭ kantrakt z rasijskaj armijaj i vajavaŭ u 245-m hvardziejskim motastrałkovym pałku, piša Radyjo Svaboda.

«Ja pryjechaŭ u Rasijskuju Fiederacyju, horad Rastoŭ. Pačali my… zrabili pracu, źjavilisia kapiejki, ja napiŭsia, karaciej, pajšoŭ u vajenkamat. U hety ž dzień mianie prosta adpravili na vajnu», — skazaŭ Vadzim Zajkoŭski.

Videazapis ź im apublikavali ŭ Telegram-kanale «Nie ždi mienia iz Ukrainy».

Pavodle jaho słoŭ, jamu nie vypłacili hrašovaje zabieśpiačeńnie — ni zarobak, ni inšyja vypłaty. Zajkoŭski śćviardžaje, što apynuŭsia na vajnie tamu, što jon «niedaloki», i kali b byŭ razumniejšy, to nie pajšoŭ by vajavać.

«Ja nie chaču, kab moj syn išoŭ na vajnu za Rasiju. Ja ŭvohule nie chaču, kab jon vajavaŭ», — dadaŭ jon.

Vadzim Zajkoŭski taksama skazaŭ, što jamu paabiacali abaviazak vazić vadu i pradukty sałdatam u akopy. Paśla padpisańnia kantrakta jon nie prachodziŭ padrychtoŭku, a kali apynuŭsia na froncie — siadzieŭ na pastu pavietranaha nazirańnia, hladzieŭ za palotami dronaŭ, kab «jany nie pierasiekli našu miažu».

Pierad kamieraj biełarus siadzieŭ u majcy z nadpisam «Biełaruś» i vyjavaj dziaržaŭnaha čyrvona-zialonaha ściaha.

«U nas telebačańnie ŭ Biełarusi zajmajecca prapahandaj. U nas kažuć, što vajna budzie iści da pieramožnaha zaviaršeńnia. Heta ŭ Biełarusi», — skazaŭ Zajkoŭski.

U raniej apublikavanych śpisach hramadzian Biełarusi, jakija vajujuć na baku Rasii suprać Ukrainy, jaho proźvišča niama. Jon naradziŭsia 5 listapada 1966 hoda.

245-y hvardziejski motastrałkovy połk padparadkoŭvajecca Suchaputnym vojskam Rasii (vajennaja častka 60888). Połk udzielničaŭ u šturmie Hroznaha ŭ 1999 hodzie, ale ŭ 2008-m byŭ rasfarmavany. Jaho adnavili ŭ 2023 hodzie.

Ciapier, z ulikam Vadzima Zajkoŭskaha, va ŭkrainskim pałonie znachodziacca 10 hramadzian Biełarusi.

Kamientary8

  • Dron
    23.07.2025
    Blin, on vyhladit tak, budto nie to čto vojevať — chodiť tołkom užie nie sposobien
  • Łajdak
    23.07.2025
    [Red. vydalena]
  • Jaromienka Raman (Sienat | THK)
    23.07.2025
    Čamu pišuć što hety hramadzianin RB – Biełarus? Adkul takaja ŭpeŭnienaść? Ni kožny hramadzianin RB źjaŭlajecca Biełarusam. Pahladzicie rezultaty pierapisu nasielnictva RB u 2019 hodzie (tolki kala 85% hramadzianaŭ RB – Biełarusy), z tych časoŭ adsotak Biełarusaŭ u RB źmieńšyŭsia.

    [Zredahavana]

Ciapier čytajuć

Były biełaruski vajar sutki katavaŭ svajho siabra, a paśla zabiŭ siabie11

Były biełaruski vajar sutki katavaŭ svajho siabra, a paśla zabiŭ siabie

Usie naviny →
Usie naviny

U Breście siłaviki skarystali zbroju suprać pjanaha mužčyny3

Kožny siomy žychar Słavakii padtrymlivaje dałučeńnie da Rasii — apytańnie25

Aeraporty Jeŭrasajuza buduć zdymać abmiežavańni na vadkaści ŭ ručnoj pakłažy

Ad 300 000 da 500 000 dalaraŭ. Stała viadoma, chto pryvioz Džejsana Deruła ŭ Biełaruś8

Stryžak raskazaŭ, što ciapier budzie z «Bajsołam»20

Mužčyna raźbiŭ videakamieru ŭ padjeździe, nadzieŭšy dla maskiroŭki trusy na hałavu8

Skandynavija pryciahvaje biełarusa: dalnabojščyk raskazaŭ ab pracy ŭ krai vikinhaŭ3

«Matroškami ŭžo nie ździviš». U Rasii zaklikali stvaryć svoj anałah Łabubu3

Viadučaja «Marafonu adzinstva» ŭ padtrymku Łukašenki adpačyvała ŭ Łatvii27

bolš čytanych navin
bolš łajkanych navin

Były biełaruski vajar sutki katavaŭ svajho siabra, a paśla zabiŭ siabie11

Były biełaruski vajar sutki katavaŭ svajho siabra, a paśla zabiŭ siabie

Hałoŭnaje
Usie naviny →

Zaŭvaha:

 

 

 

 

Zakryć Paviedamić