«Usio chutka razvalicca — a my tut žyviom». Žychary baraka ŭ Rečycy źviarnulisia da Łukašenki
U Rečycy žychary starych damoŭ skardziacca na žachlivyja ŭmovy žyćcia: adsutnaść ramontu z 2010 hoda, prablemy z kanalizacyjaj i vadoj, piačnoje aciapleńnie, a taksama vysokija kamunalnyja płaciažy, u tym liku za kapitalny ramont, jaki nie pravodziŭsia.
Čarhovy adkryty videazvarot da Alaksandra Łukašenki zaŭvažyŭ «Fłahštok». Hetym razam z Rečycy, dzie miascovy žychar raspavioŭ pra ŭmovy žyćcia ŭ miascovych «barakach». Havorka idzie pra dvuchpaviarchovyja žyłyja damy pa vulicy Praletarskaj u pryvatnym siektary niedaloka ad centra horada.
«Ramontu niama nijakaha z 2010 hoda, usio valicca, kanalizacyi niama, vady niama, piačnoje aciapleńnie, padjezdy nichto nie prybiraje. Usio ciače, usio płyvie, strašna žyć. A sumy [za pasłuhi ŽKH] — pa 50‑60 rubloŭ. U tym liku za kapramont, jaki nie robicca», — kaža aŭtar videa.
Pa jaho słovach, «usio chutka razvalicca — a my tut žyviom». Sapraŭdy, na videa dobra zaŭvažnyja raskoliny ŭ ścienach, padmurku, dzirki kala voknaŭ.
Miascovy žychar śćviardžaje, što «ŽKH ničoha nie robić, rajvykankam taksama ničoha nie robić»:
«Kidajuć z kabinieta ŭ kabiniet. Alaksandr Ryhoravič Łukašenka, my źviartajemsia da vas: dapamažycie, kali łaska. Heta ŭžo nievynosna. Za što my płacim, žyvučy ŭ baraku? A pobač ža «Jeŭraopt» — nie pavieru, kab siudy nichto nie jeździŭ z rajvykankama i nie bačyŭ hetyja baraki».
Aŭtar taksama pakazaŭ kvitancyju za apłatu pasłuh ŽKH — za dvuchpakajovuju kvateru 43 rubli na miesiac. Hetaja cana supastaŭnaja z apłataj za kamunalnyja pasłuhi žycharoŭ kvater u šmatpaviarchovych damach.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza14
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary