«My płanavali da 9 maja heta zrabić, ale kiroŭcy pajšli na Vialikdzień u zapoj». Kiraŭnik SBU raskazaŭ padrabiaznaści pra apieracyju «Pavucińnie»
Kiraŭnik Słužby biaśpieki Ukrainy Vasil Maluk daŭ intervju ŭkrainskim ŚMI, padčas jakoha raskazaŭ niekatoryja padrabiaznaści pra padrychtoŭku i praviadzieńnie 1 červienia apieracyi «Pavucińnie», jakaja naniesła vialikija straty rasijskaj vajskovaj avijacyi.
Jak raskazaŭ Maluk, nazvu «Pavucińnie» śpiecapieracyja atrymała jašče na etapie płanavańnia, kali kiraŭnik SBU z kaleham namalavali na natatniku łahistyčnyja suviazi da varožych aeradromaŭ.
Uvohule apieracyju «Pavucińnie» płanavali pravieści da 9 maja, ale nibyta stałasia tak, što rasijskija kiroŭcy fur, ź jakich vylatali drony, na Vialikdzień pajšli ŭ zapoj. Praz heta śpiecapieracyju daviałosia pieranieści na miesiac.
Dla jaje praviadzieńnia SBU stvaryła ŭ Čalabinsku fejkavuju łahistyčnuju kampaniju, arandavaŭšy ofis i składy prosta pad nosam u miascovaha upraŭleńnia FSB.
Technična byli vykarystanyja ŭnikalnyja FPV-drony ŭłasnaj raspracoŭki, jakija mieli śpiecyjalnuju sistemu suviazi i bajavy zarad. Zarad składaŭsia ź dźviuch častak pa 800 hramaŭ (heta značyć usiaho 1600) śpiecyjalnaj sumiesi, jakaja maje kumulatyŭna-fuhasny efiekt, kab prapalić sam korpus samalota i vyklikać vybuch ŭsiaredzinie.
Toj čałaviek, chto rabiŭ «domiki» dla zapusku dronaŭ z fur, dla zachavańnia sakretnaści apieracyi sam nie viedaŭ, navošta jon ich robić. Byli vyrablenyja całkam aŭtanomnyja palaŭničyja domiki z batarejami, jakija bieśpierapynna padsiłkoŭvali drony, bo śpiecapieracyja mahła adbycca i ŭ chałodnuju paru hoda.
Ahienty SBU paśpieli paśpiachova pakinuć terytoryju Rasii jašče da taho, jak hruzaviki vyjechali da aeradromaŭ.
U Hiermanii acanili straty Rasii ŭ vyniku śpiecapieracyi «Pavucińnie»
Źjaviłasia novaje VIDEA śpiecapieracyi SBU «Pavucińnie»: z kamiery, zamacavanaj na samim dronie
Zialenski: Kiroŭcy fur, ź jakich atakavali vajskovyja aeradromy ŭ Rasii, nie viedali pra apieracyju «Pavucińnie»
Zialenski raskazaŭ, čyja zbroja vykarystoŭvałasia ŭ apieracyi «Pavucińnie»
Rasija nie zmoža adnavić straty dalniaj avijacyi paśla ŭkrainskaj apieracyi «Pavucińnie»
Zialenski: Padčas apieracyi «Pavucińnie» paškodžany 41 rasijski samalot. Pałovu ŭžo nie adnavić.
Kamientary