Prezident Ukrainy Uładzimir Zialenski paviedamiŭ pra źmiastoŭnuju i plonnuju telefonnuju razmovu z prezidentam ZŠA Donaldam Trampam. Hałoŭnaj tema było spynieńnie vajny Rasii suprać Ukrainy.
Pa słovach Zialenskaha, Ukraina ŭdziačnaja Złučanym Štatam za ŭsie namahańni dziela spraviadlivaha i ŭstojlivaha miru. Ukrainski bok padkreśliŭ, što čałaviečyja straty treba spynić jak maha chutčej, i što heta było b mahčyma ŭžo daŭno, kali b Rasija nie zaciahvała vajnu.
Padčas razmovy byli skaardynavanyja pazicyi Ukrainy i ZŠA. Abmiarkoŭvałasia abvastreńnie rasijskich udaraŭ, u tym liku pa Kijevie i inšych haradach.
Taksama išła havorka pra sankcyi suprać Rasii. Zialenski adznačyŭ, što rasijskaja ekanomika słabieje, a tamu Kreml uvažliva sočyć za dziejańniami i pazicyjaj Trampa, jakaja moža stać vyznačalnaj.
Abmierkavali Zialenski z Trampam i jeŭrapiejskuju padtrymku Ukrainy. Niderłandy, Šviecyja, Narviehija i Danija ŭžo pryniali rašeńnie vydzielić bolš za miljard dalaraŭ na zakupku amierykanskaj zbroi dla Ukrainy, praciahvajecca ŭzajemadziejańnie ź inšymi krainami NATA.
Ukraina, zajaviŭ Zialenski, užo padrychtavała prajekt pahadnieńnia pra bieśpiłotniki i hatovaja abmiarkoŭvać jaho z amierykanskim bokam. Heta, jak śćviardžajecca, moža stać adnoj z najmacniejšych damoŭlenaściaŭ pamiž dźviuma krainami.
Tramp ličyć, što Pucin nie budzie vajavać, kali cana nafty źmienšycca jašče na 10 dalaraŭ
Pucin nie choča złavać Trampa, ale padparadkoŭvacca jaho ultymatumu naŭrad ci budzie
Tramp pavialičyć pošliny dla Indyi za pieraprodaž rasijskaj nafty
Miadźviedzieŭ prykusiŭ jazyk paśla rašeńnia Trampa adpravić da Rasii jadziernyja padłodki
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku5
Kamientary