Jon byŭ jak žyvy ščyt. Maryja Maroz raskazała, čamu jany ź Cichanoŭskaj patrabavali, kab ź imi da miažy jechaŭ kiraŭnik AAC Paŭlučenka
Dziaržaŭny telekanał ANT 6 žniŭnia pakazaŭ kadry apieratyŭnaj zdymki, na jakich načalnik Apieratyŭna-analityčnaha centra Andrej Paŭlučenka nibyta pa prośbie Śviatłany Cichanoŭskaj dapamahaje joj vyjechać z krainy i pieradaje hrošy. U siužecie siłavik pradstaŭleny ŭ roli ratavalnika Śviatłany i kiraŭnicy jaje štaba Maryi Maroz. «Lusterka» pahavaryła z Maryjaj pra toje, jak prachodziŭ vyvaz i čamu Paŭlučenka faktyčna byŭ «žyvym ščytom».
Raniej lidarka demsiłaŭ zajaviła, što z krainy jana źjazdžać nie chacieła i nie źbirałasia. Maryja Maroz paćvierdziła jaje słovy i zajaviła, što na adjeździe Cichanoŭskaj nastojvaŭ kiraŭnik AAC.
— Kali mianie ź IČU pryvieźli ŭ kvateru Śviatłany, tam užo byŭ Andrej Paŭlučenka. Jon pačaŭ nam havaryć: «Maryja, vam treba vyjechać, vyvieźci Śviatłanu za miažu. Jana supraciŭlajecca, moža, vy jaje ŭhavorycie», — patłumačyła jana.
Rašučym, pa słovach Maryi, staŭ zvanok mužu, jaki na toj momant znachodziŭsia ŭ Litvie razam ź dziećmi Cichanoŭskich.
— Moj muž nastojvaŭ, kab my vyjechali. Kali jamu patelefanavali, jon adreahavaŭ vielmi rezka i skazaŭ: «Vy što, durnyja? Budziecie ciapier siadzieć, jak [Siarhiej] Cichanoŭski». Jon nahadaŭ i pra los Siarhieja, i pra moj niadaŭni aryšt, jakoha jon vielmi spałochaŭsia. Mienavita nastojlivaść majho muža stała finalnym arhumientam, paśla jakoha my pahadzilisia pakinuć krainu.
Paśla hetaha Maryja Maroz vystaviła ŭładam ultymatum, kab pa darozie da miažy ŭ adnoj mašynie ź imi znachodziŭsia asabista Paŭlučenka. Jana bajałasia, što biez vysokapastaŭlenaha siłavika ŭ sałonie pajezdka moža skončycca trahična.
— Ja jamu skazała: «Vy nas padarviecie ŭ mašynie». Tamu što viedaju, jak siłaviki abychodzilisia ź inšymi apanientami ŭłady. Ja ŭltymatyŭna zajaviła, što kali jon choča, kab ja vyviezła Śviatłanu na svajoj mašynie, to sam pavinien sieści ŭ sałon i jechać z nami, — uspaminaje Maroz svaju razmovu z Paŭlučenkam.
Jana ŭzhadvaje, što načalnik AAC spačatku admoviŭsia, skazaŭšy, što jamu treba kamu-niebudź patelefanavać, kab vyrašyć hetaje pytańnie. Paśla zvanka Paŭlučenka ŭsio ž pahadziŭsia supravadžać Cichanoŭskuju i Maroz da miažy.
Paśla jaje pierasiačeńnia akazałasia, što strachi Maroz byli nie biespadstaŭnyja. Litoŭski bok znajšoŭ u aŭtamabili siurpryz ad siłavikoŭ.
— Za majoj mašynaj sačyli, — śćviardžaje Maryja. — Kali my pryjechali, śpiecsłužby Litvy abśledavali aŭto. Tam stajaŭ GPS-trekier — adsočvalnaja pryłada z ustalavanaj u jaje rasijskaj SIM-kartaj.
Na ANT pakazali kadry, na jakich Andrej Paŭlučenka pieradaje niejki skrutak Cichanoŭskaj
«Kanviert dla Cichanoŭskaj». Hienii-łukašysty znoŭ sami siabie vykryli i vyściebali
Cichanoŭskaja: Nijakich hrošaj ja nie prasiła, mnie prosta ŭsunuli hety kanviert. Jaho da siońnia nie raśpiačatvała
Na kanviercie Cichanoŭskaj napisana «Miedviediu O.V.» Što heta za čałaviek?
«Byŭ prosta vałancioram». Što viadoma pra načalnika achovy štaba Babaryki, jakoha pakazali pa ANT
Na ANT zajavili, što Łatuška ŭ kancy lipienia 2020 nibyta chacieŭ spalić štab Cichanoŭskaj. Łatuška adkazaŭ na heta
Ahient KDB, čyjo imia było na kanviercie dla Cichanoŭskaj, maje pašpart prykryćcia i kataŭsia za miažu
Cichanoŭski patłumačyŭ, čamu jon tak pavodziŭ siabie ŭ Ńju-Jorku115
Kamientary
Kohda-to słyšał, čto OAC jedinstviennaja struktura nie podkontrolnaja Putinu, v otličije ot KHB. Ślivajut?