Vital Kličko: Kožny ŭ našaj dziaržavie, u našaj krainie stamiŭsia ad hetaj vajny
Mer Kijeva Vital Kličko bačyć narastajučuju stomlenaść ad vajny i adkryta kaža, što pahadnieńnie z Rasijaj (navat koštam terytaryjalnych sastupak) — mahčyma, adziny šlach da miru, piša BILD.
«Kožny ŭ našaj dziaržavie, u našaj krainie stamiŭsia ad hetaj vajny. Na žal, my zapłacili za hetuju vajnu vielizarnuju canu: žyćci našych patryjotaŭ, našych sałdat, našych hramadzian. Sotni haradoŭ razburany. Vialikaja častka Ukrainy akupavanaja Rasijaj. My pavinny znajści dypłamatyčnaje rašeńnie», — skazaŭ Kličko ŭ intervju hałoŭnamu redaktaru BILD Paŭlu Roncchajmieru.
Adkazvajučy na pytańnie pra mahčymyja sastupki terytoryj, Kličko nie vyklučyŭ ich, ale skazaŭ, što «zanadta rana pra heta havaryć» i što rašeńnie pavinien pryniać prezident Uładzimir Zialenski. Heta ciažka, tamu što «častka ludziej nikoli nie budzie hatovaja addać častku našaj krainy Rasii».
Mer Kijeva ličyć nieabchodnymi pieramovy Zialenskaha i Pucina pry ŭdziele prezidenta ZŠA Donalda Trampa:
«Ad amierykanskaha prezidenta vielmi šmat što zaležyć, jon — klučavaja fihura ŭ śviecie. Ale ŭsio ž hetuju vajnu pačaŭ Pucin, i tolki Pucin moža jaje spynić. Pucin ciapier nie choča sustrakacca ź Zialenskim, jon kaža, što dla hetaha niama ni pryčyn, ni tem, pra jakija možna było b havaryć. […] Situacyja davoli składanaja, tamu što, zhodna z [ukrainskim] ukazam, pieramoŭ z Pucinym być nie pavinna. Sa svajho boku, Pucin zajaŭlaje, što Zialenski — nielehitymny prezident, bo jaho termin užo skončyŭsia. My ŭsio ž pavinny znajści rašeńnie, i ja vieru, što Zialenski, Pucin i Tramp sustrenucca. My ličym, što sustrečy buduć ciažkimi, ale ŭsio ž spadziajomsia, što jany adbuducca».
Kamientary