Zialenski raskazaŭ, čyja zbroja vykarystoŭvałasia ŭ apieracyi «Pavucińnie»
Padčas apieracyi «Pavucińnie» pa źniščeńni stratehičnaj avijacyi Rasii vykarystoŭvałasia vyklučna ŭkrainskaja zbroja. Pra heta raspavioŭ prezident Uładzimir Zialenski ŭ prahramie This Week, paviedamlaje RBK-Ukraina.
Pa słovach prezidenta, heta było jahonym žadańniem, kab padčas ataki na rasijskija aeradromy nie vykarystoŭvałasia abstalavańnie, pradastaŭlenaje sajuźnikami Ukrainy.
«Ja vielmi chacieŭ, kab my vykarystoŭvali tolki toje, što vyrablajem sami, i kab raźmiežavańnie było vielmi vyraznym», — patłumačyŭ Zialenski.
Jak viadoma, u vyniku apieracyi «Pavucina» było paškodžana kala traciny rasijskaha fłotu stratehičnych bambardziroŭščykaŭ. Dla apieracyi vykarystoŭvali FPV-drony, jakija tajemna dastaŭlali hruzavikami da rasijskich aeradromaŭ.
Apieracyja «Pavucińnie»
U pieršy dzień červienia Słužba biaśpieki Ukrainy atakavała dronami adrazu čatyry rasijskija aeradromy stratehičnaj avijacyi — «Biełaja», «Dziahileva», «Aleńja» i «Ivanava». Hetaja histaryčnaja i biesprecedentnaja apieracyja atrymała nazvu «Pavucina». Jaje rychtavali paŭtara hoda.
Pavodle aficyjnych źviestak, u chodzie apieracyi ŭdałosia parazić prynamsi 41 stratehičny samalot RF, u tym liku Tu-95, Tu-22M3 i A-50. Straty dla Rasii aceńvajucca prykładna ŭ 7 miljardaŭ dalaraŭ.
Paśla apieracyi «Pavucińnie» rasijanie zmahli zadziejničać dla ataki na Ukrainu tolki 7 bortaŭ stratehičnaj avijacyi, ź jakich vypuścili 36 rakiet Ch-101.
-
Ukrainski F-16 źbiŭ rasijski Su-35 dziakujučy dapamozie šviedskaha samalota
-
Čały praanalizavaŭ detali ŭkrainskaj apieracyi «Pavucińnie» i pryjšoŭ da niečakanaj vysnovy
-
Rasija zajaviła ab uvarvańni ŭ Dnieprapiatroŭskuju vobłaść. Ekśpierty paćvierdzili bai ŭ niekalkich sotniach mietraŭ ad miažy rehijona
Ciapier čytajuć
Vučniaŭ, jakija z matam parvali ekzamienacyjnyja bilety pa historyi Biełarusi, prymusili vybačacca kala manumienta Pieramohi45
Kamientary